स्वास्थ्यकर्मीलाई नै जातीय भेदभाव गर्नेबिरुद्द उजुरी
साझा परिवेश
आइतवार, पुस ८, २०८० १२:२७
स्वास्थ्यकर्मी (अनमी) तुलसाकुमारी विकलाई जातीय भेदभाव गरेको आरोप
३ जनाविरुद्ध उजुरी दिएको र तीमध्ये २ जनालाई नियन्त्रण गरियो
जाहेरी दर्ता गरी अदालतबाट म्याद थपेपछि….
काठमाडौँ।।
मुगुको सोरु गाउँपालिका-९, खनैयाँ स्वास्थ्य चौकीमा कार्यरत स्वास्थ्यकर्मी (अनमी) तुलसाकुमारी विकलाई जातीय भेदभाव गरेको आरोपमा प्रहरीले दुई जनालाई पक्राउ गरेको छ। जिल्ला प्रहरी कार्यालयका प्रवक्ता प्रहरी निरीक्षक प्रकाशसिंह कार्कीले पीडितले ३ जनाविरुद्ध उजुरी दिएको र तीमध्ये २ जनालाई नियन्त्रणमा लिइसकिएको जानकारी दिए।
‘अहिले हामी जातीय विभेद कसुरमा जाहेरी दर्ता गर्दै छौँ’, उनले भने, ‘त्यसपछि आरोपितलाई अदालत लगेर म्याद थप गर्छाैं।’ उनका अनुसार जाहेरी नाम उल्लेख एक जना भने पक्राउ गर्न बाँकी रहेको उनले बताए। सोही कारण अहिल्यै पक्रउ परिसकेका २ जनाको नाम भन्न पनि उनले मानेनन् । ‘एक जना पक्राउ गर्नै बाँकी छ’, उनले भने, ‘जाहेरी दर्ता गरी अदालतबाट म्याद थपेपछि हामी नाम सार्वजनिक गर्छौँ, अहिले नाम नभनौँ।’
