वामपन्थीहरुलाई मिल्न नदिएर धुलोपिठो बनाउने योजना हुँदैछ : पूर्वप्रधानमन्त्री खनाल
साझा परिवेश
बुधबार, पुस ११, २०८० १६:४९
वाम एकताको पहल नयाँ ढंगले अगाडि बढाउन प्रस्ताव
साम्राज्यवादी शक्ति नेपालको कम्युनिष्टलाई सिध्याउन लागे
‘नयाँ खालको पहलकदमी चाहिएको छ, त्यो हाम्रै पार्टीले गर्नुपर्छ’
काठमाडौं ।।
नेकपा एकीकृत समाजवादीका नेता एवं पूर्वप्रधानमन्त्री झलनाथ खनालले वाम एकताको पहल नयाँ ढंगले अगाडि बढाउन प्रस्ताव गरेका छन् । आजबाट सुरु भएको सातौं केन्द्रीय कमिटी बैठकमा पूर्वप्रधानमन्त्री खनालले पश्चिमा शक्तिले नेपालका कम्युनिष्टहरुलाई सिध्याउने योजना बुनिरहेको बताए ।
‘साम्राज्यवादी शक्ति नेपालको कम्युनिष्ट सिध्याउन लागेका छन् । वामपन्थीहरुलाई मिल्न नदिने र आउने चुनावमै धुलोपिठो बनाउने योजना हुँदैछ’ खनालले भनेका छन् । पश्चिमा शक्ति कम्युनिष्ट सिध्याउन लागेकाले एकीकृत समाजवादीले वाम एकताको पहल गर्नुपर्ने प्रस्ताव खनालले बैठकमा राखेका छन् । ‘नयाँ खालको पहलकदमी चाहिएको छ, त्यो हाम्रै पार्टीले गर्नुपर्छ’, खनालले भनेका छन् ।
