आरतीको भिडियोमा कपीराइट लाग्ने सूचनामा संग्नता छैन : पशुपति बिकास क्षेत्र कोष
साझा परिवेश
शुक्रबार, पुस २०, २०८० १६:२0
काठमाडौँ । पशुपति आर्यघाट क्षेत्रको बागमती नदी किनारमा हुने गङ्गा आरती र कोर क्षेत्रमा हुने दीप प्रज्वलनको भिडियोमाथि कपीराइट लाग्ने सूचनामा संलग्नता नरहेको पशुपति क्षेत्र विकास कोषले जनाएको छ ।
पशुपति क्षेत्र विकास कोष र बुढासुब्वा डिजिटल प्रालिले एक सूचना निकाल्दै पशुपति क्षेत्रमा भिडियो खिचेर सामाजिक सञ्जालमा राखे कपीराइट ऐन अन्तर्गत कारबाही हुने जनाइएको थियो ।
पशुपति क्षेत्र विकास कोषकी कार्यकारी निर्देशक लक्ष्मी पुनले शुक्रबार एक विज्ञप्ति जारी गर्दै उक्त सूचनाप्रति असहमति जनाएकी हुन् । उक्त सूचना प्रकाशितप्रति कोषको कुनैपनि संलग्नता नरहेको पुनको भनाइ छ ।
सहमतिमा पशुपति क्षेत्र विकास कोषको सहमति नभएपनि तोड्नका लागि कोषको बैठक बस्नुपर्ने उनले बताइन् । ‘हामी नआउँदै सहमति भएको रहेछ । त्यसलाई तोड्नका लागि परिषद् बैठक बस्नुपर्यो । एक जनाले तोडियो भनेर भएन,’ उनले भनिन् ।
