जव खगेन्द्र खरो र भाग्य नेउपानेले यी नानीहरुको खोजी सुरु गरे.

झापा ।। मंसिर २७ गते मोरङको सुन्दर हरैंचाका दुइ जना बालिका घर बाट हराए । बिद्यालय गएका नानीहरु एउटा पत्र लेखेर बेपत्ता भए । यस बिषयमा परिवारले प्रहरीमा उजुरी गरे । साथै नानीहरु खोजी दिन आग्रह गर्दै संचारकर्मी अनुसन्धान मिडियाका खगेन्द्र खरो र तात्तातो खवरका भाग्य न्यौपानले यस बिषयमा भिडियो उठान गरे ।

भिडियो सामाजीक संजाल र युटुवमा प्रशारण भएसँगै ति ११ बर्ष र १४ बर्षका नानीहरु दार्जिलिङबाट फेला परे । फेला परेका बालिकाहरुलाई करिव ३५ दिन पछि आज काकँरभिट्टामा प्रहरीको रोहवरमा अभिभावकलाई बुझाइएको छ ।

ति बालिकाको सकुशल उद्दार गरी शुक्रवार नेपाल ल्याइएको थियो । उद्दार गरिएकाहरुमा मोरङको सुन्दर हरैंचा–६, गछियाकी १४ वर्षीया आयुष्का पोखरेल र १२ वर्षीया राधिका दर्जी हुन । मंसीर २७ गते विद्यालय गएको भनी घरबाट हिंडेका पोखरेल र दर्जी बेलुकासम्म पनि घर नफर्किएपछि परिवारले खोज्न सुरु गरेको थियो ।

गछियास्थित साजिलाल सेकेन्डरी स्कूलको कक्षा ८ की छात्रा पोखरेल परीक्षा लेख्न र सोही विद्यालयको कक्षा ४ की छात्रा दर्जी पढ्न भन्दै विद्यालय गएका पारिवारिक बताएको छ । दुवैजना भारत पश्चिम बंगाल राज्यको दार्जिलिङ पुगेका थिए ।

घुम्न निस्किएका उनीहरुलाई राति ८ बजे मोजा किन्दै गर्दा शंका लागेर त्यहाँको प्रहरीले कहाँबाट र कोसँग आएको भनी सोधपुछ गरेको थियो । त्यसक्रममा उद्दार भएका उनीहरुलाई त्यहाँस्थित बालबालिका उद्दार गर्ने संस्था इजिट दार्जिलिङमा राखिएको थियो ।
यस कोलकातास्थित महावाणिज्य दूतको कार्यालयलाई पत्राचार भएको थियो । त्यसपछि उक्त कार्यालयका सचिव सतिश थापा नेतृत्वको उद्दार गरिएका बालिकालाई नेपाल ल्याएर परिवारको जिम्मा लगाइएको छ । इलाका प्रहरी कार्यालय काँकरभिट्टाले आवश्यक प्रक्रिया पूरा गरेर सम्बन्धित परिवारलाई जिम्मा लगाएको हो ।

बालिकाहरुले सुन्दर हरैंचास्थित एक सुन पसलमा आफूले कानमा लगाएको सुनको मुन्द्रा राखेर ७ हजार रुपैयाँ लिएको बताए ।

• संसद विघटन