काङ्ग्रेस नेता तथा पुर्वमन्त्री केशबकुमार बुढाथोकीको निधन

नेपाली काँग्रेसका केन्द्रीय सदस्य तथा पूर्वमन्त्री केशवकुमार बुढाथोकीको सोमवार राती निधन भएको छ ।

झापाको अर्जुनधारा निवासी बुढाथोकी कांग्रेस भित्र हक्की स्वभावका नेताको रुपमा चिनिन्थे । प्रोस्टेट क्यान्सर रोगबाट पीडित उनको उपचारको क्रममा सोमबार राति निधन भएको नेपाली काँग्रेस झापाका सचिव कृष्ण हुमागाईले जानकारी दिए ।

लामो समयदेखि प्रोस्टेटको क्यान्सरबाट पिडित नेता बुढाथोकीको पछिल्लो समय मृगौलामा समस्या आएका कारण उपचार गराइरहेका थिए ।

सेतो बाघ उपनामले चर्चित झापा अर्जुनधारा नगरपालिका निवासी नेता बुढाथोकी पञ्चायतकाल र गणतन्त्र दुवै शासन व्यवस्थामा मन्त्री भएका थिए । पंचायत कालमा जलस्रोत साहयाक मन्त्री, राष्ट्रिय पञ्चायत सदस्य, प्रधानपञ्च, जिल्ला पञ्चायत सभापति भईसकेका नेता बुढाथोकी पछिल्लो पटक सामान्य प्रशासन मन्त्री भएका थिए ।

दुई छोरा एक छोरी रहनुभएका बुडाथोकीको पार्थिक शरिरलाई आजै जिल्ला पार्टी कार्यालय झापामा अन्तिम श्रद्धाञ्जलिका लागि राखिने नेपाली कांग्रेस झापाका सचिव कृष्ण हुमगाईले जानकारी दिए ।

सम्भवत परिवारसग सल्लाह गरेर आजै कनकाई माई नदिमा अन्तिम सस्कार गरिने समेत हुमगाईले बताए ।

पार्टी भित्र आफ्ना विचार स्पष्टसंग राख्न सक्ने र सबैलाई मिलाएर अघि बढ्नुपर्छ भन्ने धारणा भएका नेता बुढाथोकीको निधनसंगै कांग्रेसलाई ठूलो क्षति पुगेको कांग्रेस नेताहरुको भनाई छ ।
स्व केशबकुमार बुढाथोकी प्रति साझापरिबेश डटकम परिवार हार्दिक श्रद्धाञ्जलि अर्पण गर्दछौं ।

• संसद विघटन