February 29, 2024 | बिहिबार, फाल्गुन १७, २०८०
सुचनाहरु
शर्मिला वाइबालाई ४ दिन थुनामा राख्न अदालतको अनुमति छिमेकीलाई प्राथमिकताको आधारमा व्यवहार गर्न थालियो : परराष्ट्रमन्त्री साउद बिदा हुनुअघि राष्ट्रियसभामा ६ वर्षको अनुभव सुनाउँदै सांसद २८ अंकले घटेर सेयर बजार बन्द विराटनगर–लुक्ला माउन्टेन फ्लाइट छिट्टै सुरु हुन्छ: मुख्यमन्त्री कार्की कला–साहित्यको संगमस्थल बन्यो कनकाई महोत्सव मजदुरमाथि भएको कुटपिटमा महानगरले थाल्यो छानबिन बढ्यो सुनको मूल्य, चाँदीको घट्यो १४ वर्षीया बालिका बलात्कृत, ६० वर्षीय पुरुष पक्राउ गौतमबुद्ध अन्तर्राष्ट्रिय क्रिकेट रंगशाला निर्माणका लागि टेण्डर आह्वान वाफ महिला च्याम्पियनसिपको खेलमा नेपाल र जोर्डन खेल्दै हिमाल हेर्न माइजोमाईमा पर्यटक आकर्षित शर्मिला वाइबा सिन्धुपाल्चोकबाट पक्राउ नेप्से झिनो अंकले घट्यो, २ अर्बभन्दा बढीको कारोबार भित्तेपात्रो प्रकाशकलाई पञ्चाङ्ग निर्णायक समितिले मुहूर्त र साइत दिने घोराही सिमेन्ट उद्योगमा स्थानीयको नाराबाजी, यस्तो छ कारण मालीमा पुलबाट बस खस्दा ३१ जनाको मृत्यु माओवादी केन्द्रको स्थायी समिति बैठक आज पनि जारी कृषि विकास बैंकको साधारण सभा फागुन ३० मा बिर्तामोड उद्योग वाणिज्य संघको अध्यक्षमा न्यौपाने विजयी

बैशाखीमा मात्रै हिँडेर कांग्रेस कहीँ पुग्न सक्दैन् ः नेता रिजाल

  • साझा परिवेश
  • शुक्रबार, माघ २६, २०८० १६:५१
बैशाखीमा मात्रै हिँडेर कांग्रेस कहीँ पुग्न सक्दैन् ः नेता रिजाल

काठमाडौं । नेपाली कांग्रेसका नेता डा.मिनेन्द्र रिजालले माओवादीको बैशाखी टेकेर सत्ताको मात्रै चिन्ता गरेर हिँडेको कांग्रेस कहीँपनि पुग्न नसक्ने बताएका छन् । उनले कुनै पुराना नेताले सत्ताको लागि कसैको बैशाखी नटेकेको उल्लेख गर्दै पार्टीलाई पुरानो कांग्रेस बनाउनुपर्नेमा जोड दिए ।

शुक्रबार नेपाली कांग्रसको काठमाडौं जिल्ला सम्मेलनमा नेता रिजालले निर्वाचनको संवैधानिक व्यवस्थाका कारण कुनै दलले एक्लै सरकार बनाउने अवस्था नरहेको, पहिलो र दोस्रो ठूलो दल बनेको कांग्रेस–एमालेलाई तेस्रो दलले हल्लाइरहेको बताए ।

बाम गठबन्धनको निर्वाचनमा एमालेले जितेको सिट र अहिले सत्ता गठबन्धनका(माओवादी,कांग्रेस,नेकपा एस)ले मिलेर लडेको निर्वाचनमा कांग्रेसले जितेको सिटको दृष्टान्त दिँदै नेता रिजालले व्यवस्था नै चुनौति बनेको र तेस्रो दलको सहायताले कांग्रेस–एमालेले एक अर्कालाई तह लगाइरहेको बताए ।
उनले कांग्रेस दुईथरी बनेको भन्दै पुरानो कांग्रेस पार्टीको खोजी गरिनुपर्ने बताए ।

अघिल्लो पटकको निर्वाचनमा ओलीले देशभरीमा ११ वटा निर्वाचन क्षेत्रमा सबैभन्दा ठूलो पार्टी बनेको माओवादीलाई लिएर सय ठाउँमा चुनाव लड्दा ८० ठाउँमा जितेको तर आफूहरुले उही माओवादीलगायतकासँग मिलेर चुनाव लड्दा २३ सिटमा खुम्चिएको भन्दै रिजालले थपे, ‘योपाली हामीले उही ओलीले गरेको जस्तो गरेर काखीमा माओवादीलाई राखेर ओलीको भन्दा हाम्रो कम मत छ, अघिल्लो पटक भन्दा सात प्रतिशत मत कम पायौं । यस्तै बैशाखीमा हिँडेर कांग्रेस कहीँपनि पुग्दैन ।’

उनले पुराना कांग्रेस नेताले कसैलाई लिएर चुनाव नलडेको बताउँदै अब कांग्रेसले आफूलाई ऐनामा हेर्नुपर्ने अवस्था आइसकेको र पुनानो कांग्रेस बनाउन सबै गम्भीर बन्नुपर्नेमा जोड दिए ।

‘हिजो कुनै पनि नेताको पालामा बैशाखीमा कांग्रेस हिँडेको थिएन । बैशाखीमा हिँड्ने कांग्रेसले कांग्रेसलाई पुरानो कांग्रेस बनाउन सक्दैन । कांग्रेस पुरानो बनाउने हो, त्यो पुरानो कांग्रेस बनाउने बाटोमा यताकाले मात्रै होइन (मञ्च भन्दा बाहीर बस्ने) साथीहरुले पनि एकपटक गम्भीरतापूर्वक सोच्नुहोस । जिल्ला सम्मेलन खाली कुर्सीहरुले विचार राख्ने होइन । जिल्ला सम्मेलनले मन्थन गर्ने विषय खाली कुर्सीबाट प्राप्त हुने होइन । हरेक कांग्रेसले ऐनामा आफूलाई एकपटक हेर्नुपर्दछ,’ नेता रिजालले भने ।

रिजालले माओवादी नेतृत्वले धोका देलानकी भनेर चिन्ता गरेर बस्दा देशको विकास नुुहुने र सत्ताको मात्रै चिन्ता हुने उल्लेख गर्दै नयाँ नेतृत्वको खोजी गरिनुपर्ने बताए ।

‘आफ्नो सत्ताको मात्रै चिन्ता भएको कांग्रेसले कांग्रेस बनाउन सक्दैन ।’
उनले कांग्रेसभित्रको विग्रह, गुटबन्दी र उपगुटबन्दीको अन्त्य गर्न नसके आगामी चुनावमा कांग्रेसले हार ब्यहोर्नुपर्ने दाबी गरे ।
उनले भने,‘नयाँ बाटो खोजीगर्ने क्रममा साथीहरुले सबैले मत हाल्ने उम्मेदवार बनाऔं भन्नुभएको छ । कांग्रेस यति ठूलो विग्रहमा छ, यतिठूलो गुटबन्दीमा छ । हरेका मान्छेले अर्कालाई मान्दैन । गुटहरु मात्रै होइन हरेक गुटका उपगुटलाई सम्झिनुस उनीहरु पनि एक अर्कालाई टेर्दैनन् । यस्तो बेलामा कांग्रेसका सबै क्रियाशीलले मत हालेर उम्मेदवार छान्नुभयो भने जसको उम्मेदवार हार्ला त्यसले सहयोग गर्छ कि गर्दैनन् । कांग्रेसको गुटबन्दीलाई तलसम्म निर्मूल नगर्ने हो भने कांग्रेस फेरी चुनाव जित्दैन ।’

उनले कांग्रेसलाई विपी कोइरालाको पालामा जस्तो बनाउन कहिले सकिन्छ भन्दै प्रश्न गरे ।
‘हिजो विपी कोइरालाको बेलामा कांग्रेसको सभापति छानिन्थ्यो । उसले कार्यसमिति बनाउथ्यो । तर, कार्यसमितिलाई अनुमोदन महासमितिले गर्नुपर्थ्यो । महासमितिबाट अनुमोदन गराउन सक्छु भन्ने हिम्मत हुने नेताले केन्द्रीय समिति मनोनित गर्दथ्यो । त्यस्तो कांग्रेस कहिले बनाउन सकिन्छ ?’ नेता रिजालले चिन्ता व्यक्त गरे ।

  • साझा परिवेश
  • शुक्रबार, माघ २६, २०८० १६:५१

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।