February 23, 2024 | शुक्रबार, फाल्गुन ११, २०८०
सुचनाहरु
गाँजा र कोदोको रक्सी खुला गर्ने नीति बनाउन सांसद चन्द्र भण्डारीको माग गैरहाजिर भएका १८ जना प्रहरीलाई ७ दिनभित्र उपस्थित हुन निर्देशन सुनको मूल्य घट्यो सात महिनामा ८ अर्बको चिया र कफी निर्यात बैंकको ब्याज एकल अंकमा झार्नुपर्छ : राजेन्द्र लिङ्देन नामिबियासँग नेपाल दुई विकेटले हार्‍यो सीतापाइलामा आमा र दुई छाेरीकाे हत्या, श्रीमान् पनि झुन्डिएकाे अवस्थामा मृत भेटिए लघुवित्त र सहकारी पीडितका प्रतिनिधिसँग प्रधानमन्त्रीले- सरकारले पहल गरिरहेकाे छ, समस्या चाँडै समाधान हुन्छ ‘दयारानी’ हिट भएको सार्वजनिक गर्दै दयाहाङले भने, ‘हामी सम्पूर्णप्रति आभार व्यक्त गर्दछौ’ सात महिनामा आयो २८ अर्बको खाद्यान्न सात दिनभित्र ललिता निवास क्षेत्र खाली गर्न काठमाडौँ महानगरको आग्रह परराष्ट्रमन्त्री साउद भारत भ्रमणमा जाँदै सुनको आयातमा ५९.३ प्रतिशतले कमी नजिकिँदै प्रचण्ड-ओली ? सूर्यदर्शन सहकारी ठगी : रवि लामिछानेमाथि अनुसन्धान अघि बढाइयो क्यानडामाथि नेपाल ‘ए’ को रोमाञ्चक जित राप्रपाका प्रदेश सांसदसहित १९ जनाविरुद्ध भ्रष्टाचार मुद्दा दायर राष्ट्र बैंकले भन्याे– ‘सर्वसाधारणको निक्षेप सुरक्षित छ, हल्लाको पछि नलागी ढुक्क भएर कारोबार गर्नुस्’ धनकुटामा पानीको मुहान संरक्षण गर्न रिचार्ज पोखरी आन्दोलनका लागि हिँडेरै काठमाडौँ आइपुगे देशभरका मिटरब्याजी पीडित

धरान कुटपिट प्रकरण: मुख्य आरोपी पक्राउ

  • साझा परिवेश
  • शुक्रबार, मंसिर १६, २०७९ 0८:१७
धरान कुटपिट प्रकरण: मुख्य आरोपी पक्राउ

धरानमा कात्तिक ३ गते महिलाहरूको समूहले कुटपिट गरेर घाइते भएकी एक महिलाको महिना दिनपछि मृत्यु भएको घटनाको मुख्य आरोपी पक्राउ परेकी छन्।

धरान उप-महानगरपालिका १३ की उषा राईको उपचारको क्रममा मङ्गलवार मृत्यु भएपछि घटनामा संलग्न भनिएका महिलाहरू फरार भएका बताइएको थियो । ती मध्ये मुख्य आरोपी उर्मिला राईलाई पक्राउ गरिएको धरान प्रहरी प्रमुख एसपी प्रभु ढकालले बताए ।

ढकालले भने ‘उहाँ फरार हैन, अस्पतालमा उषा राईको निधन भएपछि हामीले निगरानीमा राखेका थियौँ । जाहेरी लगायत कानुनी प्रकियाको लागि एक दिन समय पर्खेका हौं ।’ अहिले उहाँ प्रहरी नियन्त्रणमा हुनुहुन्छ ।

मुख्य आरोपि पक्राउ परेपछि घटनामा संलग्न अन्य व्यक्तिहरू पनि क्रमश पक्राउ पर्ने ढकालले बताए ।

आफ्ना श्रीमान् गोविन राईसँग नजिकिएको आरोपमा केही महिलाहरू सहित पुगेका उर्मिला राईले जथाभाबी कुटपिट गरेपछि उषा गम्भीर घाइते भएकी थिइन् । कुटपिट भएको भोलिपल्ट उनले छाती दुख्यो भन्दै रोई कराइ गरेपछि उपचारको लागि अस्पताल लगिएको थियो ।

मृतक महिलामाथि कुटपिट हुँदा छुट्टाउन गरेका प्रहरीमाथि ती महिलाहरू जाइलागेका थिए । प्रहरीले कुटपिटमा संलग्न भएको आरोपमा केही महिलाहरूलाई नियन्त्रणमा लिएको थियो ।

अस्पतालमा उपचार गराउँदा केही निको भएपछि कुटपिटमा संलग्न समूह र घाइते महिलाबिच मिलापत्र भएको बताउँछन् धरान उपमहानगर-१३ का वडाध्यक्ष नेत्र प्रसाद काफ्ले । काफ्लेले भने, ‘आमा समूहले उपचारमा लागेको सम्पूर्ण रकम बेहोर्ने र क्षतिपूर्तिबापत रु ३० हजार रुपैयाँ दिने सहमतिमा इलाका प्रहरी कार्यालय धरानमा मिलापत्र हो ।’

स्वास्थ्य अवस्था बिग्रिएपछि राईलाई मङ्सिर ७ गते पुनः बीपी कोइराला स्वास्थ्य विज्ञान प्रतिष्ठानमा भर्ना गरिएको थियो । उपचारको क्रममा उनको निधन भएको हो ।

  • साझा परिवेश
  • शुक्रबार, मंसिर १६, २०७९ 0८:१७

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट