पोल्याण्ड र रोमानिया पठाइदिन्छु भनी रकम ठगी गरेको आरोपमा पक्राउ
साझा परिवेश
बुधबार, फाल्गुन २३, २०८० १७:४४
काठमाडौँ । पोल्याण्ड पठाइदिन्छु भनी रकम ठगी गरेको आरोपमा प्रहरीले एक युवकलाई पक्राउ गरेको छ ।
काठमाडौँ उपत्यका अपराध अनुसन्धान कार्यालयबाट खटिएको प्रहरीले रामेछाप उमाकुण्ड नगरपालिका ६ घर भई हाल काठमाडौं बालुवाटार बस्ने २६ वर्षीय गोबिन्द थापालाई पक्राउ गरेको हो ।
थापाले इन्द्रकुमार खवासलालई पोल्याण्ड पठाइदिन्छु भनी ३ लाख ७० हजार रुपैयाँ ठगी गरेको प्रहरीले जानकारी दिएको छ ।
त्यस्तै रोमानिया पठाइदिन्छु भनी रकम ठगी गरेको आरोपमा प्रहरीले एक युवकलाई पक्राउ गरेको छ ।
काठमाडौँ उपत्यका अपराध अनुसन्धान कार्यालयबाट खटिएको प्रहरीले राबाग्लुङ जैमिनी न.पा. वडा नं. ०८ घर भई हाल जिल्ला
काठमाण्डौं तार्केश्वर न.पा. वडा नं. १० मनमैजु बस्ने शेषकान्त शर्मा पक्राउ गरेको हो ।
थापाले तुल बहादुर बलाललई रोमानिया पठाइदिन्छु भनी मासिक ९० हजार रुपैया भनेर सात लाख रुपैयाँ ठगी गरेको प्रहरीले जानकारी दिएको छ ।
मंगलबार पक्राउ परेका थापा र शर्मालाई प्रहरीले आज सार्वजनिक गरी थप अनुसन्धानका लागि वैदेशिक रोजगार विभाग कार्यालय ताहाचाल पठाइएको प्रहरीले जानकारी दिएको छ ।
