July 15, 2024 | सोमवार, असार ३१, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

झापामा शिवको ‘उत्पत्ति’ बारे किन फेरिन् माताले आफ्नो बोली ?

  • साझा परिवेश
  • आइतवार, फाल्गुन २७, २०८० १४:२९
झापामा शिवको ‘उत्पत्ति’ बारे किन फेरिन् माताले आफ्नो बोली ?

झापाको बिर्तामोड- १ मा शुक्रवार शिवको उत्पत्ति भएको बताउने मुना आचार्य ‘माता’ ले बोली फेरेकी छन् । उनले केही सञ्चारकर्मी समक्ष प्रतिक्रिया दिदैं शिव उत्पत्ति बारे आफू अन्यौलमा भएको बताएकी छन् ।

शुक्रवार शिवको उत्पत्ति भएको बताउने उनले एकै दिनमा बोली फेरेकी हुन् । शुक्रबार बिहानदेखि शिवको उत्पत्ति भएको भन्दै हेर्नेहरूको घुँईचो लागेको थियो । आज पनि हेर्न जानेहरूको सङ्ख्या उल्लेख्य रहेको छ ।

स्थानीय ‘माता भनेर परिचित’ आचार्यको घर नजिकै शिवको प्रतिमा उत्पत्ति भएको हल्लाले हेर्नेहरूको घुँईचो लागेको हो । उनले भनिन् , म वास्तविकता बारे अन्यौल छु, कसैले राखेको हो कि जस्तो पनि लाग्दैन । उनीहरू राती माई खोला समेत गएको बुझिएको छ ।

शिव उत्पत्ति भएको विषयमा थोरैले मात्र विश्वास गरेका छन् । अधिकांशले भगवानको उत्पत्ति हुनै नसक्ने प्रतिक्रिया दिइरहेका छन् । कतिपयले यसलाई माताले आफ्नो प्रचार गर्न फण्डा गरेको हुन सक्ने प्रतिक्रिया व्यक्त गरिरहेका छन् । शिवको उत्पत्ति भएको खबर सुनेपछि हिजैदेखि हेर्ने र पूजा गर्नेहरूको भीड लागेको छ । आज भने उक्त शिवको प्रतिमालाई छोपेर राखिएको छ ।

शिवरात्रिकै दिनमा उत्पत्ति भएको भन्दै धेरैले विश्वास गरेको प्रतिक्रिया दिए । आचार्यको घर नजिकै शुक्रवार बिहान ३ः३० बजे बिहान ठुलो आवाज आएको थियो । ठुलो आवाज आएको सुनेर आचार्यको परिवारसहित छिमेकीहरूले बाहिर हेर्दा शिवको प्रतिमा देखेका थिए । पहेँलो रङमा देखिएको उक्त प्रतिमाका सन्दर्भमा विभिन्न व्यक्तिहरूले आ–आफ्नै हिसाबले टीकाटिप्पणी गरिरहेका छन् ।

माता आचार्यले हिजो तीन दिनअघि नै शिवको मूर्ति प्रकट हुने आफूले थाहा पाएको बताएकी थिइन् । उनले शिवको मूर्ति प्रकट भएको समयमा घरका सबै ढोकाहरू खुलेको, ढुङ्गा गिरी झरेजस्तो आवाज आएको सुनाइन् । मैले हरेक वर्ष केही न केही प्राप्त गरिरहेको छु, उनले भनिन् । यो वर्ष भगवान् नै प्राप्त भयो । आफूलाई लोकको कल्याण गर्ने मौका मिलेको उनको प्रतिक्रिया थियो ।

कतिपयले माताले धर्मका नाममा भ्रम छरेको भन्दै तत्काल पक्राउ गरी कारबाही गर्नुपर्ने आवाज समेत उठिरहेको छ । उनी केही समय यता, बिरामीहरूलाई निको बनाउने भन्दै माताको रुपमा आफूलाई प्रस्तुत गर्दै आएकी छन् ।

  • साझा परिवेश
  • आइतवार, फाल्गुन २७, २०८० १४:२९

प्रतिक्रिया

तपाइको प्रतिक्रिया दिनुहोस्