गोकर्णेश्वर नगरपालिका ३ स्थित स्थानिय सुस्मा लामाको एक तर्फी प्रमको कारण हत्या भएको पाइएको छ । उनको शव एक हप्ता अगाडी तारेभिरको जंगलमा गाडेको अवस्थामा फेला परेको थियो ।
१८ वर्षिया सुष्माको हत्या आरोपमा पक्राउ परेका गोकर्णेश्वर नगरपालिका ३ कै २१ वर्षीय रुपेन्द्र लामालाई उपत्यका अपराध अनुसन्धान कार्यालयले आइतबार सार्वजनिक गरेको हो । सुष्मा र पक्राउ परेका युवक रुपेन्द्र एकै ठाउँका बासिन्दा हुन् । प्रहरीका अनुसार उनीहरु बाख्रा चराउने, घाँस काट्ने जस्ता घरायसी काममा सँगै जाने गर्थे । टेलिफोन र सामाजिक सञ्जालबाट पनि कुराकानी हुने गरेको थियो । पछिल्लो आठ महिनायता भने रुपेन्द्रले सुष्मालाई प्रेमिकाको रुपमा हेर्ने गरेको पाइएको प्रहरी अधिकारीहरु बताउँछन् । तर सुष्माले रुपेन्द्रसँग प्रमको सम्वन्ध स्विकार नगरेपछि पाठशालाबाट फर्कने क्रममा बाटो कुरेर हत्या गरिएको अपराध अनुसन्धान कार्यलयका डीएसपी अनिल घिमिरेले बताएका छन् ।
रुपेन्द्रले सात दिनसम्म सुष्माको गतिविधिको अध्ययन गरेको अनुसन्धानबाट खुलेको छ । सुष्माले पढ्ने बुढानीलकण्ठ मावि जाने बाटो कुरेर बस्ने गरेको, अन्य व्यक्ति देखेकाले सफल नभएको र आठौं दिनमा हत्या गरेर शव गाडेको वयान रुपेन्द्रले प्रहरीसमक्ष दिएका छन् ।हत्यापछि बाटोबाट करिब ५० मिटर जति तल लगेर रुपेन्द्रले शव गाडेका थिए । यो काम उनी एक्लैले गरेको देखिएको प्रहरीको भनाइ छ । प्रहरीले रुपेन्द्रको घरबाट शव गाड्न प्रयोग भएको कुटो, कुटो बोक्न प्रयोग गरेको झोला, सुष्माको किताब र मोबाइलसमेत बरामद गरेको छ । सुष्मा २२ माघमा घरबाट कलेज गएदेखि फर्केकी थिइनन् । २३ माघमा उनको फेसबुक आइडीबाट बेहुला बेहुलीको कपडा लगाएको फोटो पोस्ट भएको थियो । बेहुलाको अनुहारमा इमोजी राखेर छोपिएको थियो भने क्याप्सनमा लेखिएको थियो, ‘सरी सबैजनालाई ३ दिनमा म आउँछु ।’ त्यसको ३ दिनपछि २५ माघमा परिवारका सदस्यले प्रहरीका उजुरी दिएका थिए ।
अन्तत प्रहरीले रुपेन्द्रलाई पक्राउ गरिसके पछि रुपेन्द्रले नै सुस्माको हत्या पछि प्रहरीलाई छल्न सुस्मकै मोवाइलबाट इडिट गरेको विवाहको फोटो सार्वजनिक गरेका पाइएको छ । पक्राउ परेका रुपेन्द्रलाई कर्तव्य ज्यानको कसुरमा अनुसन्धान अघि बढाउन प्रहरी वृत्त बौद्ध पठाइएको छ ।
