गृहमन्त्रीले राजीनामा दिनैपर्ने संसदमा कांग्रेसको अडान
साझा परिवेश
मङ्लबार, चैत्र ६, २०८० १३:१0
उपप्रधान तथा गृहमन्त्री रवि लामिछानेको राजीना दिनुनै पर्ने संसदमा नेपाली कांग्रेसले अडान राखेको छ ।
मंगवार प्रतिनिधि सभाको बैठकमा बोल्दै सांसद दीपक गिरीले सहकारी ठगीमा प्रकरणमा अनुसन्धान भइरहेकै व्यक्ति गृहमन्त्री बनेपछि निष्पक्ष अनुसन्धानमा आशंका बढेको बताएका छन् । उनले भनेका छन् , उहाँमाथि प्रहरीले अनुसन्धान अघि बढाइएको थियो। सीआइबीले सहयोग गरिरहेको थियो। तत्कालिन गृहमन्त्रीले छानविन अघि बढाउन निर्देशन पनि दिनुभएको थियो। तर अहिले सत्ता गठबन्धन बदलियो। अनुसन्धान हुनुपर्ने व्यक्ति गृहमन्त्री भएर आउनुभएको छ। जसरी पनि गृहमन्त्रालय नै चाहिन्छ भनेर सामेल हुनुले निष्पक्ष छानबिन प्रक्रियामा बाधा हुने देखियो। तसर्थ हामी उहाँको राजीनामा माग गर्दछौं।
