दमक । अखिल नेपाल स्वतन्त्र विद्यार्थी युनियन (क्रान्तिकारी)को दमक क्याम्पसको १०औं इकाइ सम्मेलन सम्पन्न भएको छ । आइतबार प्रवीण योगीको अध्यक्षतामा ४५ सदस्यीय इकाइ कमिटी गठन गर्दै सम्मेलन सम्पन्न भएको हो ।
कमिटीको उपाध्यक्षमा मनिस बुढाथोकी, सिसम्पा गुरुङ, सागर थापा चयन भएका छन् । सचिव प्रवीण कार्की, सहसचिव सबिना उप्रेती, अनिस बिस्ट, रेगन दुतराज र कोषाध्यक्षमा प्रयुसा राई चयन भएका छन् । इकाइ इन्चार्ज भिस्महाङ सम्बाहाम्फे (आसिस) चयन भएको अखिल क्रान्तिकारी झापाका अध्यक्ष रञ्जन धमलाले जानकारी दिए ।
सम्मेलनको अवसरमा कक्षा १२ का विद्यार्थीलाई बिदाइ साथै विभिन्न साँस्कृतिक नृत्य तथा गायन कार्यक्रम आयोजना गरिएकोे विद्यार्थी फ्याक्सन इन्चार्ज उमेश खनालले जानकारी दिए ।
नवनिर्वाचित इकाइ कमिटीले क्याम्पस प्रमुख यज्ञराज गिरी (राम) सँग भेटघाट गरि विद्यार्थीको हकहितका लागि सदैव अघि बढ्ने र क्याम्पसको गरिमालाइ उच्च राख्न अखिल क्रान्तिकारीको पुर्ण सहयोग रहने बिषयमा छलफल गरिएको इकाइ कोषाध्यक्ष प्रयुसा राइले बताइन् ।
कार्यक्रममा जिल्ला अध्यक्ष रन्जन धमला, नगर अध्यक्ष रवि बस्नेत, प्राध्यापक राधिका ओझा, प्रमुख अतिथि नेकपा माओवादी केन्द्रका केन्द्रीय सदस्य रन्जित तामाङ लगायतले आफ्नो धारणा तथा शुभकामना मन्तव्य राखेका थिए ।
कार्यक्रममा अखिल क्रान्तिकारी जिल्ला उपाध्यक्ष नविन सिटौला, सचिव राजन चापागाईं, प्रेस चौतारी नेपाल झापा अध्यक्ष मन कुमार गदाललगायत उपस्थित थिए ।
इकाइ संयोजक लक्ष्मी नेपालको अध्यक्षतामा सम्पन्न कार्यक्रम रेगन दुतराजले सञ्चालन गरेका थिए ।
