कांग्रेसको बहिष्कारबिच गण्डकी प्रदेशसभा बैठक बस्ने
साझा परिवेश
शुक्रबार, बैशाख ७, २०८१ १६:२७
पोखरा । नेपाली कांग्रेसको बहिष्कारबिच गण्डकी प्रदेशसभा बैठक बस्ने भएको छ । शुक्रबर बसेको कार्यव्यवस्था समितिको बैठकले कांग्रेसले बहिष्कार गरेपनि प्रदेशसभा बैठक सुरु गर्ने निर्णय गरेको हो ।
सभामुख कृष्ण धितालले बोलाएको कार्यव्यवस्था परामर्श समितिको बैठकले प्रदेशसभा बैठकका लागि कार्यसूची पनि तय गरेको छ ।
‘बैठक प्रदेश प्रमुखले आह्वान गरेपछि बस्नुपर्छ,’ एमाले प्रमुख सचेतक गोविन्द नेपाली भन्छन्, ‘बैठक सुरु भएपछि के गर्ने सल्लाह गरौँला ।’
बैठकमा सभामुखले प्रदेश प्रमुख कार्यालयको पत्र पढेर सुनाउनेछन् । यसअघि कांग्रेसले बैठक नराख्न सभामुखलाई आग्रह गरेको थियो । यस्तै बैठकमा राप्रपा पनि सहभागी नहुने भएको छ ।
