June 14, 2024 | शुक्रबार, जेष्ठ ३२, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

पराजयपछि मिलनले भने- भ्रष्टाचार र बेथितिविरुद्ध निरन्तर घण्टी बजाइरहनेछाैँ

  • साझा परिवेश
  • मङ्लबार, बैशाख १८, २०८१ १३:४१
पराजयपछि मिलनले भने- भ्रष्टाचार र बेथितिविरुद्ध निरन्तर घण्टी बजाइरहनेछाैँ

इलाम-२ काे उपनिर्वाचनमा पराजित राष्ट्रिय स्वतन्त्र पार्टी (रास्वपा)का उम्मेदवार मिलन याेङहाङ लिम्बुले आगामी दिनमा पनि भ्रष्टाचार र बेथितिविरुद्ध निरन्तर घण्टी बजाइरहने प्रतिबद्धता व्यक्त गरेका छन्।

पराजयपछि आफूलाई मतदान गर्ने इलामेली जनतालाई धन्यवाद दिँदै उनले आगामी दिनमा पनि निरन्तर साथमा रहने प्रतिबद्धता व्यक्त गरेका हुन्।

‘इलाम र इलामेली जनताको हरेक सुख र दुःखमा मेरो सहभागिता रहनेछ। इलामको विकासमा र इलामेली जनताका इच्छा, आकांक्षा पूरा गर्ने सन्दर्भमा मबाट सदा इमान्दार प्रयत्न हुनेछ,’ मिलनले सामाजिक सञ्जालबाट भनेका छन्, ‘नेपालको राजनीतिमा कायम रहेका विकृति, विसङ्गति, भ्रष्टाचार, बेथिति इत्यादिविरुद्ध निरन्तर हामी घण्टी बजाइरहने छौँ।’

शनिबार भएकाे इलाम-२ काे उपनिर्वाचनमा मिलनले जमानत नै जफत हुने गरी नमिठाे हार व्यहाेरेका थिए। एमालेका उम्मेदवार सुहामङ नेम्वाङले जिते निर्वाचनमा उनी पाँच हजार मत कटाएर चाैथाे स्थानमा छन्।

प्रेस विज्ञप्ति :

हार्दिक आभार एवम् धन्यवाद !
प्रिय इलामेली आमाबुबा, दिदीबहिनी तथा दाजुभाइहरु !
सर्वप्रथम यहाँहरु सबैमा हार्दिक आभार र धन्यवाद व्यक्त गर्दछु।

नेपालको राजनीतिक प्रणालीलाई थप सुदृढ गर्न र दलीय प्रतिस्पर्धासहितको लोकतन्त्रलाई मजबुद पार्न यहाँहरुले गर्नुभएको मतदान आफैमा एउटा बलियो आधारस्तम्भ हो भन्ने मलाई लागेको छ।

निश्चय पनि निर्वाचनको प्राविधिक पक्ष प्रतिस्पर्धीहरुमध्येबाट एक जनाले श्रेष्ठता हाँसिल गर्ने प्रणाली हो।

चुनावी मैदानमा हामी प्रतिस्पर्धीहरु मध्येबाट विजयी हुनुहुने सुहाङ नेम्बाङले प्रतिस्पर्धा जित्नुभएको छ। उहाँलाई म र मेरो पार्टीको तर्फबाट हार्दिक बधाई र शुभकामना व्यक्त गर्दछु।

राजनीतिक रूपमा संघीय संसदमा इलाम-२ को प्रतिनिधिविहीनता अन्त्य भएको छ। त्यसको श्रेय तपाई हमी सबै इलाम-२ वासीलाई जान्छ। यसर्थ, यस उपनिर्वाचन हमी सबैको निम्ति उत्साह र खुशीको पल हो।

निर्वाचन प्रचार प्रसारका दौरान मलाई र मेरो पार्टी राष्ट्रिय स्वतन्त्र पार्टीलाई जनतामाझ पुर्याउन अहोरात्र खट्नु हुने पार्टीका सभापति, उपसभापति, केन्द्रीय नेतृत्व लगायत नेता, कार्यकर्ताज्यूहरुमा हार्दिक आभार व्यक्त गर्दछु। मलाई मुठ्ठी दान गरेर सहयोग गर्नुहुने, नैतिक, प्राविधि र अन्य किसिमले सहयोग गर्नुहुने सबैमा एकपुष्ट आभार र धन्यवाद व्यक्त गर्दछु।

मलाई र मेरो पार्टी रास्वपालाई विश्वास गरेर मतदान गरिदिनुहुने सम्पूर्ण मेरा मतदाता र इलाम-२ का आम मतदाताप्रति कृतज्ञ छु र रहिरहने छु। मैले उम्मेद्वार हुँदैगर्दा नै भनेको छु– म निर्वाचनमा विजयी हुँदा वा नहुँदा पनि सदा तपाईहरुको साथमा हुनेछु।

इलाम र इलामेली जनताको हरेक सुख र दुःखमा मेरो सहभागिता रहनेछ। इलामको विकासमा र इलामेली जनताका इच्छा, आकांक्षा पूरा गर्ने सन्दर्भमा मबाट सदा इमान्दार प्रयत्न हुनेछ।

नेपालको राजनीतिमा कायम रहेका विकृति, विसङ्गति, भ्रष्टाचार, बेथिति इत्यादिविरुद्ध निरन्तर हामी घण्टी बजाइरहने छौं।

मुलुकमा सुशासन, सबैको आत्मसम्मान र सामाजिक न्यायसहितको उन्नत लोकतन्त्र, संघीय गणतन्त्रका पक्षमा काम गरिरहने छौँ।

मिलनकुमार योङहाङ लिम्बू
रास्वपा उम्मेद्वार
इलाम २, उपनिर्वाचन

  • साझा परिवेश
  • मङ्लबार, बैशाख १८, २०८१ १३:४१

प्रतिक्रिया

तपाइको प्रतिक्रिया दिनुहोस्