काठमाडौँ । विराटनगरमा भइरहेको प्रथम कोशी प्रदेश दिवारात्रि टी–१० क्रिकेट प्रतियोगिता शनिवार पुनः सुचारु भएको छ । आयोजकले विवादास्पद ‘वान एक्स ब्याट’को विज्ञापनसहित विदेशी खेलाडीलाई हटाएपछि खेल सुरु भएको हो ।
आयोजकले विवादस्पद विज्ञापन मैदानमा राखेको र हरेक टिममा चार विदेशी खेलाडी राखेर म्याच खेलाएको भन्दै नेपाल क्रिकेट संघ ९क्यान०ले आफूसँग अनुबन्धित खेलाडीलाई फिर्ता बोलाउनुका साथै अम्पायर, स्कोरर क्रिकेट एसोसिएसन (कुसान) ले पनि अम्पायरलाई म्याच नखेलाउन उर्दी गरेपछि बिहीवार प्रतियोगिता रोकिएको थियो । क्यानको निर्देशनअनुसार मैदानबाट विज्ञापनसहित विदेशी खेलाडीलाई हरेक टिमवाट हटाएपछि क्यानले खेलाडी र कुसानले अम्पायरलाई फुकुवा गरेपछि प्रतियोगिता सुचारु भएको थियो ।
सन्तोषको एकै ओभरमा ६ छक्का
शनिबार एलिट क्लबविरुद्ध एनबीएससी लायन्सबाट मैदान उत्रिएका आर्मीका खेलाडी सन्तोष कार्कीले एक ओभरमै ६ छक्का प्रहार गरेका छन । उनले सलन कामतको बलिङमा ६ बलमा ६ छक्का प्रहार गरे । १२ बलमा ५४ रन वनाएका सन्तोषले १९ बलमा ७८ रन बनाएर आउट भए । त्यसमा १० छक्का र दुई चौका सामेल छ । उनीप्रेरित एनबीएससीले एलिट क्लबलाई १ सय ३३ रनले हराएर तालिकाको शीर्षस्थानमा उक्लेको छ ।दोस्रो खेलमा खेलमा विराटनगर प्यान्थर्सले पूर्वाञ्चल क्रिकेट एकाडेमीलाई ९३ रनले हरायो । जितसँगै टोलीले ७ अंक बनाएर दोस्रो स्थानमा पुगेको छ ।
