श्रीमतीलाई मारेपछी आफु पनि घाटी रेटेर आत्महत्या गर्न खोजेका लालबहादुर बाँचे
साझा परिवेश
मङ्लबार, चैत्र १२, २०८१ २0:00
मंगलबार बिहान झापाको कनकाई नगरपालिका ५ स्थित नारायणदल चौक निवासी ३९ वर्षीय लालबहादुर सार्की घाइते र उनकी श्रीमती ४० वर्षीया मनिषा मग्रान्ती आफ्नै कोठाभित्र मृत अवस्थामा भेटिएका थिए ।
घटनाको प्रकृति हेर्दा मृतक मनिषा सलको पासो लगाई झुन्डिएको र पछीपासो खोलेको जस्तो देखिएको, मृतकको घाँटीमा सलको पासोको डाम देखिएको प्रारम्भिक अनुसन्धानको क्रममा देखिएको प्रहरीले जनाएको छ । अर्को कोठामा मृतकको श्रीमान् घाँटीमा धारिलो हतियार रेटी घाइते अवस्थामा फेला परेका थिए । घाइते श्रीमान लालबहादुरले पनि आफुले श्रीमतीको हत्या गरेको स्वीकार गरिसकेको बताइएको छ ।
प्रहरीका अनुसार लालबहादुरको परिवार केही महिनाअघि मात्र त्यहाँ आएको थियो । ताप्लेजुङ सिलाम घर भएपनी कनकाईका योगेन्द्र बस्यालको घरमा २÷३ महिना अगाडीदेखि उनीहरू डेरा गरी बसेका थिए । दुबै श्रीमान श्रीमती ज्याला मजदुरी गर्दै आएका थिए ।
