हिंसा मच्चाएर भागेका दुर्गा प्रसाईले ‘ज्यान जोगाउन मन्दिरमा बसेको छु’ भन्दै बनाए भिडीयो

शुक्रबार काठमाडौँको तीनकुनेमा हिंसा मच्चाएर भागेका दुर्गा प्रसाई म भागेको छैन, ज्यान जोगाउन मन्दिरमा बसेको छु भन्दै एक भिडीयो सन्देश बनाएका छन् । प्रसाईंले आफू फरार नबनेको दाबी गर्दै आफूलाई हत्या गर्न खोजिएको थाहा पाएपछि काठमाडौंकै एउटा मन्दिरमा सुरक्षित बसेको उनको भनाइ छ ।
मन्दिर अगाडि बसेर एउटा भिडियो वक्तव्य जारी गर्दै दुर्गा प्रसाईंले प्रधानमन्त्रीले आफूलाई गोली हान्ने आदेश दिएको थाहा पाएको बताएका छन् ।
प्रसाईंले प्रहरीसँग माफी माग्दै भनेका छन्, ’म सुरक्षित बस्न मात्रै खोजेको हुँ, भागेको होइन ।’ उनले शुक्रबारको घटनाबारे प्रष्ट पार्दै आफूलाई जोगाउनकै लागि सुरक्षाकर्मीको घेरा तोड्नुपरेको बताएका छन् ।
शुक्रबार तीनकुनेमा भएको प्रदर्शनमा प्रसाईंले प्रहरीको घेरालाई गाडीले पेल्दै अघि बढेका थिए । यस क्रममा उनले कयौं पटक अश्लील शब्दको प्रयोगसमेत गरेका थिए । प्रहरीले उनीमाथि अनुसन्धान गर्दै खोजीकार्य जारी राखेको छ । यसबिचमा दुगर्न प्रसाइले आफु काठमाडौ कै एक मन्दिरमा भएको बताउदै भिडीयो सन्देश पठाएका छन् । भिभियोमा उनले भनेका छन् ,
चैत १५ गते बिहानैदेखि विभिन्न भेषभुषामा युवा संघका केही व्यक्ति, पुलिस प्रशासनका केही व्यक्ति सिभिल डेसमा हतियारसहित अर्काको घरमा चढेर बसेका रहेछन् । हामी डेढ बजे कार्यक्रमस्थल पुग्नुभन्दा १५ मिनेट अगाडिदेखि नै स्टेज पुग्न नदिइकन बाटोबाट गोली र टियरग्याँस हान्न थाले । मलाई गोली हान्न छतमा सार्प सुटर बसेर टार्गेट गरेका थिए । स्टेज छेउमा पुग्दा मेरो कानको छेउबाटै गोली गयो । अर्को कुरा मेरै गाडीमा टियरग्याँस खसेपछि मलाई मार्नेरहेछन् भन्ने बुझेर अरु उपाय नभएपछि ब्यारिकेड तोडेर अगाडि गएको हुँ ।
माओवादीको सभामा ३ हजार मान्छे आए, हाम्रा मान्छे बढी हुन्छन् भनेर कलंकी, गौशाला, बसपार्कको मास आउन दिएनन् । जुलुस बाटोबाटोमा रोकेर १५ मिनेट अगाडिदेखि रणभूमि बनाए । म सुरक्षित हुन सुरक्षाकर्मीको घेरा तोडेर भित्र पसेको हो । प्रहरीप्रति दुश्मनी होइन । पर्न गएको चोटमा क्षमा चाहन्छु ।
दुर्गा प्रसाईं टाढा छैन । १२ भाइ मिडिया हात धोएर लाग्या छन् । म भागेको छैन, भाग्दिनँ । पुलिस र प्रशासनले मलाई खोज्नुपर्दैन । मलाई गोञ्जालो बनाएर दबाउन खोजिएको छ । त्यसैले सुरक्षितमात्रै बसेको हो । प्रधानमन्त्रीबाटै गोली हान्ने आदेश छ भन्ने सुनेपछि सुरक्षित बसेको हुँ । म भाग्दिनँ । बरु तपाईंहरुकै अगाडि मर्छु । भन्दै उनले भिडीयोमा भनेका छन्

• संसद विघटन