बाबुआमाले लछारपछार गर्दा चार महिनाको शिशुको मृत्यु
साझा परिवेश
मङ्लबार, बैशाख १०, २०८२ २0:0७
नवलपरासी (बर्दघाट सुस्तापूर्व)को बौदीकाली गाउँपालिका–१ अर्मलेमा हृदयविदारक घटना घटेको छ। मादक पदार्थ सेवन लगरेका बाबुआमाको लछारपछारका कारण चार महिनाको शिशुको मृत्यु भएको हो।
स्थानीय दीपेन्द्र परियार र उनकी श्रीमती कमला परियारले गए राति मादक पदार्थ सेवन गरी आफ्नै छोरा लछारपछार गर्दा गम्भीर घाइते भएका शिशुको रामपुर अस्पताल, पाल्पामा उपचारका क्रममा मृत्यु भएको जिल्ला प्रहरी कार्यालयका डीएसपी मधु नेपालले जानकारी दिए। बाबू भनिएका दीपेन्द्रको उमेर केवल २१ वर्ष रहेको छ भने उनकी श्रीमती कमला भने ३५ वर्षकि हुन् ।
घटनालगत्तै प्रहरीले शिशुको हत्या अभियोगमा दम्पतीलाई नियन्त्रणमा लिएको छ। कमला परियार केही वर्षअघि दीपेन्द्रसँग दोस्रो विवाह गरेर आएको स्थानीयले बताएका छन्। घटनाको थप अनुसन्धान भइरहेको प्रहरीले जनाएको छ।
