तस्करीको गढ मा आत्महत्या रोक्ने झापाका एसपी रेग्मी प्राथमिकता !

काठमाडौं ।। यस अघि इलाका प्रहरी कार्यालय काँकरभिट्टा झापामा डिएसपीको जिम्मेवारी समालेका प्रहरी उपरीक्षक (एसपी) दुर्गाराज रेग्मी हाल जिल्ला प्रहरी कार्यालय झापा पुगेका छन ।
झापाको पूर्वी नाका सँगै सीमा जोडिएका नाकाहरु तस्करीका मूख्य नाकाका रुपमा परिचित हुन । जहाँ बाट अवैध रुपमा भन्सार छलि गरेको तस्करहरुले लत्ताकपडा देखी गाइगोरु तस्करी गर्ने गर्दछन् । कति पय अवस्थामा प्रहरी प्रशासनको आखा छलेर अवैध धन्दा चलाउँने गरेका हुन्छन भने कति प्रहरी सँगको मेलोमतोमा चल्ने गरेका प्रमाण बाहिर नआएका पनि हैनन् ।

रेग्मी झापामा प्रहरी निरीक्षक, नायव उपरीक्षक र उपरीक्षक गरी तेस्रो पटक कार्य स्थलमा खटिएका हुन्
तस्करी हुने जिल्लाको बिषयमा जानकार रहेका रेग्मी ले झापा पुगेर आत्महत्या रोक्ने कार्य आफ्नो कार्यकालको मुख्य प्राथमिकता हुने बताए । यो सँगै तस्करी नियन्त्रणमा कस्तो भूमिका खेल्छन त्यो भने हेर्न बाकी रहेको छ । झापा जिल्ला प्रहरी कार्यालयका प्रमुखको रुपमा आएपछि आज आयोजित पत्रकार भेटघाट कार्यक्रममा एसपी रेग्मीले जिल्लामा लागू औषध, चोरी तस्करी, राजस्व चुहावट लगायतका थुप्रै समस्या रहेको जानकारी भए तापनि आफुले गर्नुपर्ने पहिलो कामका रुपमा आत्महत्या न्यूनीकरणलाई रोजेको बताए । उहाँले आत्महत्या रोक्न विशेष योजना बनाएरै अभियान सञ्चालन गर्ने प्रतिबद्धता व्यक्त गर्नुभएको छ । यस अभियानमा नागरिक समुदाय, समाज, सञ्चारकर्मी र स्थानीय सरकारसँग भरपुर सहयोगको अपेक्षा गरिएको बताए ।
मुलुकमा सबैभन्दा बढी संख्यामा आत्महत्याका घटना झापामा हुने गरेको बताए । घरायसी हिंसा, गरीवी, चर्को ऋण, तिरस्कार, मानसिक चिन्ता, प्रेममा धोका जस्ता कारणले आत्महत्याको घटना बढ्ने गरेका छन् ।

• संसद विघटन