मेचीनगर नगरपालिका कार्यालयका प्रमुख प्रशासकीय अधिकृत राजकपुर चम्लागाई आज बाट नियमित कामकाजमा फर्किदै छ । चर्को विवाद का बिच पूर्न मेचीनगरमै फर्किनु भएका चम्लागाइ केही समय पछि नगरपालिका हाजिर हुदैछन् । तर जनप्रतिनिधि,कार्यपालिका सदस्यहरुले उनलाइ काम गर्न रोक्ने योजना बनाएको स्रोतले बताएको छ ।
गैर कानूनी रुपमा आफुलाइ रोक्न खोजेर मेचीनगरबासीलाई समस्या पार्न नहुने चम्लागाईले बताए । नगरपालिका भित्रको समस्या समाधान गर्छु भन्दा आफु एक्लो भएको बताए ।
केही दिन अघि झापाको मेचीनगर नगरपालिकाका प्रमुख प्रशासकीय अधिकृतको अख्तियारी नगरको कार्यपालिकाको बैठकले स्थगन गरेको थियो । पौष १८ गते बसेको नगरकार्यपालिकाको बैठकले प्रमुख प्रशासकीय अधिकृत राजकपुर चौलागाईँलाई दोस्रो नगरसभाले निर्धारण गरेर दिएको अख्तियार स्थगन गरेको हो । नगरपालिका क्षेत्र यति बेला सुरक्षा कडा पारिएको छ ।
