सार्वजनिक सुनुवाई कार्यक्रम सम्पन्न,सर्वसाधारण भन्छन हामिलाई थाहानै छैन
साझा परिवेश
शनिबार, चैत्र ४, २०७९ ११:४५
इनरुवा । सुनसरीको इनरुवा नगरपालिकामा सार्वजनिक सुनुवाई कार्यक्रम सम्पन्न भएको छ ।
शुक्रबार इनरुवा नगरपालिकाको कार्यालयमा नगरपालिकाले उक्त कार्यक्रम सम्पन्न गरेको हो ।
नगरपालिकाले आर्थिक वर्ष ०७९/०८० को दोस्रो चौमासिकसम्ममा सम्पादन गरेको कामको प्रभावकारीता,नागरिकको सन्तुष्टी तथा गुनासो सुनुवाई गर्ने उदेश्यका साथ सार्वजनिक सुनुवाई कार्यक्रम सम्पन्न गरिएको इनरुवा नगरपालिकाले जनाएको छ ।
नगरपालिकाले सम्पन्न गरिएका योजना तथा प्रदान गरिएका सेवाको पादर्शीता सुनिश्चितताका निम्ति आफ्नै सार्वजनिक सुनुवाई कार्यविधि निर्माण गरि सरोकारबाला नगरबासीको न्युन सहभागितामा सार्वजनिक सुनुवाई सम्पन्न गरिएको स्थानीयले बताए ।
सर्वसाधारणहरुले उक्त कायैक्रमको बारेमा आफुहरुले कुनै जानकारी नपाएको गुनासो समेत गरेको छ । इनरुवा–२ निवासी शिवनारायण मेहताले आफु बजार आएको र नगरपालिकामा भिडभाड देखेपछ नगरपालिका जाँदा सार्वजनिक सुनुवाई कार्यक्रम भैरहेको थाहा पाएको बताउनुभयो । आफुले उक्त कार्यक्रममा आफो कुरा राख्न समेत नपाएको उनको भनाई छ ।
कर्यक्रममा आम सर्वसाधारणको उपस्थितिले नै इनरुवा नगरपालिकाका मेयर केदार भण्डारीको कार्यप्रती वडा वासी सन्तुष्त नरहेको प्रष्ट देखिएको रंजित मेहताले बताए । फेसबुकमा प्रचारवाजी गरेर सबैलाई जनकारी गराएको उनको भनाई छ । उनका अनुसार उक्त कार्यक्रम खुल्ला ठाउँमा हुनुपथ्र्यो र इनरुवाका सबै वडाका वडावासीहरुको सहभागिता हुनुपर्ने ठाउँमा नगरपालिका भित्रनै सिमित मानिस राखि बजेट गर्च गर्ने योजना मात्र रहेको थियो ।
इनरुवा २ निवासी प्रकाश मेहताले इनरुवा घण्टा घर र निर्माण किन अवरोध भएको भन्दै घण्टा घर निर्माण कार्य अगाडि बढाउनुपर्ने, विद्यालयमा माटो पुर्ने काममा पारदर्शिता गर्नुपर्ने, सरसफाईमा ध्यान दिनुपर्ने सुझाव राखेका थिए । त्यस्तै इनरुवा–५ निवासी रोहित चौधरीले नगरदेखी वडासम्म अपांगमैत्री भवन निर्माण र अपागंमैत्री व्यवहार गर्नुपर्ने, चरा संग्राहालयको यर्थात सार्वजनिक गर्नुपर्ने, इनरुवा ४ को कालोपत्रे अनियमितताको छानविन प्रतिवेदन सार्वजनिक गर्नुपर्ने र कृषि तथा पशु क्षेत्रमा बजेट बढाउनुपर्ने माग गरेका थिए ।
नगरपालिकाकाको आयोजना तथा साझेदारी नेपालको सहजिकरणमा सार्वजनिक सुनुवाई कार्यक्रम सम्पन्न गरिएको सूचना प्रविधि अधिकृत निरज पोखरेलले जानकारी दिए । कार्यक्रमको सहजिकरण पत्रकार जयकृष्ण यादव र सुकष्देव चौधरीले येका थिए ।
