जानकी मन्दिर पछाडी एक युवकमाथि आक्रमण, टाउकोमा फाईटर प्रहार

जनकपुरधाम । जनकपुरको जानकी मन्दिर पछाडी गएराती एक युवकमाथि आक्रमण भएको छ । जानकी मन्दिर पछाडी रहेको मस्जिदको अगाडी युवकहरुको समूहले एक युवकमाथि आक्रमण गरेको हो ।

जानकी हस्पिटलको बाटो भएर मस्जिद हुँदै जाँदै गरेका धनुषाको शहिदनगर नगरपालिका वडा नं. १ बस्ने २० बर्षिय ललन यादवमाथि आक्रमण गरिएको हो । साथीहरुसँग डेराबाट निस्केर जानकी मन्दिर तर्फ जाँदै गर्दा उनीमाथि आक्रमण भएको हो ।

जानकी मन्दिरको दक्षिण–पश्चिम कुनामा रहेको मुस्लिम वस्ती भएर जाँदै गर्दा यादवमाथि सोही ठाउँमा एक दर्जन युवकहरुले यादवलाई कुटपिट गरेको हो । पुरानो कुनै रिसबई नभएपनि उनलाई कुटपिट गरेको बताइएको छ ।

पीडितका अनुसार धार्मिक सदभावलाई जोडेर गालीगलौज गर्दै चुनौति समेत दिएको बताएका छन् । उपचारको क्रममा उनलाई ८ वटा टाँका लगाइएको छ । जनकपुरका प्रादेशिक अस्पतालमा उपचारको क्रममा उनले दिएको बयानमा धार्मिकतासँग जोडिएर कुटपिट गरेको आरोप लगाएका छन् ।

सो क्रममा जिल्ला प्रहरी कार्यालय धनुषाले एक युवकलाई पक्राउ गरेको छ । घटनामा यादवलाई कुटपिट गरेको आरोपमा सोही स्थान बस्ने शाहिल साफीलाई पक्राउ गरिएको जनाइएको छ ।

पीडित यादवका अनुसार, तीन जना साथीसँगै सो बाटोबाट जाँदै गर्दा सुरुमा गाली गलौज गरेको र गाली किन गरेको भनेर सोध्दा कुटपिट गरेको आरोप लगाएका छन् ।

जानकारी अनुसार, अहिले शाहिललाई छुटाउनको लागि मुस्लिम समुदायका मुखौटाहरु जिल्ला प्रहरीमा दौडधुप गरिरहेका छन् । हिन्दु–मुस्लिम सदभावको लागि कुरा गर्ने मुखौटाहरु समेत शाहिललाई छुटाउनको लागि कसरत थालेको बताइएको छ ।

• संसद विघटन