टिकटक बनाउने गुन्डा नाइके चक्रे मिलनका ’बडीगार्ड’ पक्राउ
साझा परिवेश
मङ्लबार, चैत्र २८, २०७९ १0:५५
नेपालगन्ज
गुन्डा नाइके चक्रे मिलन (मिलन गुरुङ)को सहयोगी गणेशबहादुर बोगटीलाई बाँके प्रहरीले पक्राउ गरेको छ । जिल्ला प्रहरी कार्यालय बाँकेका प्रवक्ता डीएसपी रामप्रसाद घर्ती मगरका अनुसार मंगलबार राति नेपालगन्ज उपमहानगरपालिका–१८ को एरियाबाट बोगटीलाई पक्राउ गरिएको हो ।
पक्राउ गरिएको स्थान भने प्रहरीले खुलाएको छैन । लाइसेन्स भएको ‘पोइन्ट टुटु’हतियार बोकेर प्रदर्शन गर्दै टिकटक बनाएपछि पक्राउ गरिएको डीएसपी घर्ती मगरले अन्नपूर्णलाई बताए ।
‘लाइसेन्स नै भएको भए पनि त्यसरी हतियार प्रदर्शन गर्न मिल्दैन,’डीएसपी घर्ती मगरले भने,‘टिकटक कहाँ बनाइएको हो ? के मुद्दा चलाउने भन्नेबारे अनुसन्धान भइरहेको छ ।’
