सांसद केसी : प्रधानमन्त्रीले बोलेपश्चात् प्रमुख प्रतिपक्षी बोल्न मिल्दैन

काठमाडौं ।।

सत्तारुढ दल नेपाली कांग्रेसका सांसद अर्जुननरसिंह केसीले संसद्मा प्रधानमन्त्री बोलेपश्चात् प्रमुख प्रतिपक्षी दलका नेतालाई बोल्नु दिनु संसदीय अभ्यास विपरित भएको बताएका छन् । शुक्रबार बजेट माथिको छलफलमा प्रतिनिधिसभा बैठकमा बोल्दै उनले यो प्रकृयामा सभामुख माथिको भूमिकामा प्रश्न उठाए । उनले प्रधानमन्त्रीले बोलेपश्चात् प्रमुख प्रतिपक्षी दलले बोल्न नमिल्ने बताए ।

“संसद्को संरक्षक सभामुख हो । उहाँलेनै हो संसद् र विशेष अधिकारको संरक्षण गर्ने । तर कुनै पनि संसद्को एक भोटले होस् वा सय भोटले होस् प्रधानमन्त्री संसद्को नेता हो ।

सार्वजनिक प्रस्ताव दर्ता भएपश्चात् सवाल जवाफ गरेर प्रमुख प्रतिपक्षालाई बोल्न दिन हुँदैन,” उनले भने । सांसद केसीले यसरी परम्परा बसाउँदै लगे भविष्यमा कस्तो नजिर बस्छ भन्दै त्यसतर्फ ध्यान पुर्याउन अनुरोध गरे ।

“प्रमुख प्रतिपक्षी दलको नेताको सम्मानित भूमिका छ त्यसमा मेरो कुनै विवाद होइन । तत्कालै बोल्न दिने कुरा जुन् यो संसद्मा स्थापित गर्ने कुरा भएको छ यो परम्परा ठिक होइन,” उनले भने । उनले रेशम चौधरीलाई आममाफी दिने विषयमा समेत राष्ट्रपति कार्यालय र प्रधानमन्त्री कार्यालयमाथि प्रश्न उठाए ।

• संसद विघटन