सांसद शर्मा : माओवादीको शक्तिबिना ओलीको सिंहदरबार यात्रा कठिन छ

काठमाडौं ।।

• जर्नादन शर्माको एमाले अध्यक्ष केपी शर्मा ओलीलाई चुनौती 
• माओवादीको सहयोगबिना ओली प्रधानमन्त्री बन्ने कल्पना समेत गर्न नसक्ने बताए
• ओलीलाई दुई तिहाइको प्रधानमन्त्री बनाउन माओवादीको योगदान छ
• नेपालको राजनीतिक इतिहासमा माओवादीविना अपूरो हुन्छ
• माओवादी पार्टीका आफ्नै विशेषता भएको र कमी पनि छ
• माओवादी चुम्बक भएको र एमाले धातु
• धातुमा चुम्बक टाँसिन नजाने र चुम्बकै धातु टाँसिन आउनुपर्ने बताए
• धातु चुम्बकमा टाँसिन्छ चुम्बक धातुमा होइन

नेकपा (माओवादी केन्द्र) का सांसद तथा निर्वतमान अर्थमन्त्री जर्नादन शर्माले एमाले अध्यक्ष केपी शर्मा ओलीलाई चुनौती दिएका छन् ।शुक्रबारको प्रतिनिधिसभा बैठकमा बजेट माथिको छलफलमा बोल्दै उनले माओवादीको सहयोगबिना ओली प्रधानमन्त्री बन्ने कल्पना समेत गर्न नसक्ने बताए । संविधान संघीयता धर्मनिरपेक्षता समावेशिता र समानुपातिक जस्ता मुद्धा माओवादीका विरासत भएको पनि दाबी गरे ।

“संविधान संघीयता धर्मनिरपेक्षता समावेशिता र समानुपातिक जस्ता मुद्धा माओवादीका विरासत हुन्,” उनले भने, “यसकै बलमा केपी ओलीलाई दुई तिहाइको प्रधानमन्त्री बनाउन पार्टीगत समूहगत र व्यक्तिगत रूपमा योगदान पुराएका हैनौं र याद रहोस् माओवादीको शक्तिबिना तपाईंको सिंहदरबार यात्रा कठिन छ र भइरहने छ । गत मंसिरको निर्वाचनमा तपाईको एकल एजेन्डा अनुमोदन नभएको र शक्तिको व्यापक क्षयिकरण भएको कुरा याद रहोस् ।”

उनले नेपालको राजनीतिक इतिहासमा माओवादीविना अपूरो हुन्छ भन्दै उनले माओवादी पार्टीका आफ्नै विशेषता भएको र कमी पनि भएको स्वीकार गरे । उनले ओलीलाई माओवादी चुम्बक भएको र एमाले धातु भएको भन्दै धातुमा चुम्बक टाँसिन नजाने र चुम्बकै धातु टाँसिन आउनुपर्ने बताए ।

“माओवादी अहिले संसद्मा तेस्रो पार्टी बनेको छ तर हामीसँग परिवर्तनको रापतापबाट आएको चुम्बकिय शक्ति थयावत् छ,” शर्माले भने, “चुम्बकिय शक्तिमा धातुहरूलाई आकर्षित गर्ने गुण हन्छ र धातुहरू यसमा टाँसिन्छन् । धातु चुम्बकमा टाँसिन्छ चुम्बक धातुमा होइन यो कुरा हेक्का रहोस् ।”

• संसद विघटन