पार्टी टुक्रीदा सरकारलाई नोक्शान हुन्छ : माधव नेपाल
साझा परिवेश
आइतवार, साउन ७, २०८० ११:४१
पार्टीहरुलाई एकै ठाउँमा ल्याउन हरेस खान नहुने
कम्युनिष्टहरुलाई एक ठाउँमा ल्याउनुपर्ने
सहकार्य र एकता गरेर अघि बढ्ने
विभाजित हुँदा नोक्शान हुने
काठमाडौं ।।
नेकपा (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपालले कम्युनिष्ट पार्टीहरुलाई एकै ठाउँमा ल्याउन हरेस खान नहुने बताएका छन् ।
नेपाल कम्युनिष्ट पार्टीका संस्थापक पुष्पलाल श्रेष्ठको ४५ औं स्मृति दिवसमा कीर्तिपुरमा आयोजित कार्यक्रममा उनले सबै कम्युनिष्टहरुलाई एक ठाउँमा ल्याउनुपर्ने बताए ।
अहिले कम्यनिष्ट पार्टीहरु आफ्ना-आफ्ना पसल थापेर बसेको बताउँदै उनले मिल्न सक्ने, सहकार्य गर्न सक्नेहरुबीच सहकार्य र एकता गरेर अघि बढ्ने बताए ।
कम्युनिष्टहरुलाई जति मिलाउन सक्यो त्यत्ति धेरै शक्ति आर्जन गर्न सकिने र जति धेरै विभाजित हुन्छन् त्यत्ति धेरै नोक्शान हुने उनले बताए ।
