लोकतान्त्रिक आन्दोलनमा नेम्वाङको भूमिका नेपाली इतिहासमा सदैव अमर रहने छ : रास्वपा
साझा परिवेश
मङ्लबार, भदौ २६, २०८० १२:४८
उपाध्यक्ष तथा पूर्वसभामुख सुवासचन्द्र नेम्वाङको निधनमा शोक व्यक्त
डा. मुकुल ढकालले विज्ञप्ति निकालेर नेम्वाङप्रति श्रद्धाञ्जली व्यक्त
लोकतान्त्रिक आन्दोलनमा निभाउनुभएको भूमिका नेपाली इतिहासमा सदैव अमर रहने
काठमाडौं ।।
राष्ट्रिय स्वतन्त्र पार्टी रास्वपाले नेकपा एमालेका उपाध्यक्ष तथा पूर्वसभामुख सुवासचन्द्र नेम्वाङको निधनमा शोक व्यक्त गरेको छ । पार्टीका महामन्त्री तथा प्रवक्ता डा. मुकुल ढकालले विज्ञप्ति निकालेर नेम्वाङप्रति श्रद्धाञ्जली व्यक्त गरेका छन् ।
पार्टीको विज्ञप्तिमा लेखिएको छ, ‘पूर्वसभामुख समेत रहनुभएका नेम्वाङले नेपालमा भएका लोकतान्त्रिक आन्दोलनमा निभाउनुभएको भूमिका नेपाली इतिहासमा सदैव अमर रहने छ ।’
आजका लागि निर्धारण गरिएका पार्टीका कार्यक्रम स्थगित गरेको र अन्त्यष्टिका दिन सरकारले सार्वजनिक शोक बिदाको निर्णय गरेकाले त्यस दिनसमेत पार्टीका कुनै कार्यक्रम नगर्न नगराउन पनि ढकालले भनेका छन् । नेम्वाङको आज सोमबार बिहान निधन भएको थियो ।
