मैले मान्छे तोकेर उसलाई भोट दिनै पर्छ भनेको छैन : ओली
साझा परिवेश
शुक्रबार, अशोज १२, २०८० १२:५८
अधिवेशनका क्रममा मैले कसैलाई भोट दिनु भनेको छैन
अधिवेशन उद्घाटन गर्न शुक्रबार बिराटनगर पुगेका थिए ओली
विरोधीहरुले कार्यकर्ताको नाममा विभिन्न आरोप लगाउंदै
बिराटनगर ।।
नेकपा एमालेका अध्यक्ष केपी शर्मा ओलीले प्रदेश अधिवेशनका क्रममा आफूले कसैलाई भोट दिन नभनेको दाबी गरेका छन् । कोशी प्रदेश अधिवेशन उद्घाटन गर्न शुक्रबार बिराटनगर पुगेका ओलीले ‘केपी ओलीले भनेको कार्यकर्ताले मानेनन् भन्ने सन्देश दिन खोजिएको भन्दै असन्तुष्टि जनाए ।
केही सञ्चार माध्यम र विरोधीहरुले कार्यकर्ताको नाममा आफ्नो इच्छा थोपर्न खोजेको भन्दै उनले भने, ‘न मैले फलानालाई भोट दिनू, फलानालाई नदिनू भनेको छु, न कार्यकर्ताले नमानेको स्थिति छ ।’आफूले सके सर्वसम्मति गर्नुस्, नसके स्वस्थ प्रतिस्पर्धा गर्नुस् मात्र भन्ने गरेको ओलीले बताएका छन् ।
