एजेन्सी । अफ्गानिस्तानले भारतको राजधानी दिल्लीमा रहेको आफ्नो दुताबास आजदेखि बन्द गरेको छ ।
गएराती अबेर विज्ञप्ती जारी गर्दै अफ्गानिस्तानले स्थापनाको २२ वर्षपछि दुतावास बन्द गर्ने घोषणा गरेको हो । भारतमा कामकाज बन्द गर्ने यो फैसला दुर्भाग्यपूर्ण भएपनि अफ्गानिस्तानको हितमा रहेको दुतावासले जनाएको छ ।
साथै अफ्गानिस्तान र भारतबीच ऐतिहासिक सम्बन्धलाई मध्यनजर गर्दै सुझबुझका साथ यो निर्णमा पुगेको पनि विज्ञप्तिमा जनाइएको छ । भारत सरकारबाट समर्थन नपाउनु, अफ्गानिस्तानको रक्षासंग जोडिएको विषयको समर्थनमा खरो रुपमा उत्रिन नसक्नु र दुतावासका कर्मचारीको संख्या तथा संसाधन सुविधाको कमीका कारण दुतावास बन्द गर्नुपरेको विज्ञप्तिमा उल्लेख छ ।
अफ्गानिस्तानले यसअघि नै भारत सरकारलाई पत्र लेख्दै दुतावास बन्द गर्ने जानकारी गराईसकेको बीबीसिले जनाएको छ । यद्यपी भारतको मुम्बई र हैदराबादमा रहेको अफ्गानी बाणिज्य दुतावासको कामकाज भने जारी रहने बताईएको छ । यस विषयमा भारतीय विदेश मन्त्रालयको तर्फबाट भने कुनै आधिकारिक भनाई नआएको भारतीय सञ्चारमाध्यमले जनाएका छन् ।
