१२ दिनमा साढे ५ हजारलाई डेंगी, संक्रमितको संख्या ३९ हजार
साझा परिवेश
बिहिबार, अशोज २५, २०८० ११:३९
डेंगी संक्रमितको संख्या ३९ हजारनजिक पुग्यो
जनवरीयता अक्टोबर ११ (बुधबार) सम्म
३८ हजार ७९० जना संक्रमित भए
सबैभन्दा धेरै कोसी प्रदेशमा २३ हजार ९३४ जना संक्रमित
काठमाडौं ।।
नेपालमा यो वर्ष डेंगी संक्रमितको संख्या ३९ हजारनजिक पुगेको छ । गएको जनवरीयता अक्टोबर ११ (बुधबार) सम्म ३८ हजार ७९० जना संक्रमित भएका इपिडिमियोलोजी तथा रोग नियन्त्राण महाशाखा (ईडीसीडी)ले जनाएको छ । अक्टोबरका ११ दिनमा मात्र पाँच हजार ५२१ जना संक्रमित थपिएका छन् । नेपालमा जुलाईयता डेंगीका कारण २० जनाको मृत्यु पुष्टि भएको ईडीसीडीले जनाएको छ ।
ईडीसीडीका अनुसार यो अवधिमा सबैभन्दा धेरै कोसी प्रदेशमा २३ हजार ९३४ जना संक्रमित भएका छन् । गण्डकीमा सात हजार ४८३, वाग्मतीमा चार हजार ९०५, सुदूरपश्चिममा एक हजार ८६, लुम्बिनीमा ६६२ र मधेस प्रदेशमा ५९० जना संक्रमित भएका छन् ।सबैभन्दा कम कर्णाली प्रदेशमा १३० जना संक्रमित भएका ईडीसीडीको तथ्यांक छ । काठमाडौं उपत्यकाका तीन जिल्लामा हालसम्म एक हजार ३३७ जना संक्रमित भएका ईडीसीडीले जनाएको छ ।
