झापाको गौरिगंजबाट सशस्त्र प्रहरीले बरामद गर्यो बिष्फोटक पर्दार्थ पटका
साझा परिवेश
बुधबार, कार्तिक १५, २०८० १0:0२
झापा : झापाको गौरिगंजमा सशस्त्र प्रहरीले बिष्फोटक पदार्थ पटका र बिडि बरामद गरेको छ । सीमा सुरक्षा प्रहरी वल गौरीगंजको सुरक्षाकर्मीको गस्ती टोलीले गौरीगंज गाउँपालिका वार्ड नं. ४ स्थित हुक्कागाछी चौक पुर्व कारी अन्सारीको घरबाट विष्फोटक पदार्थ पटाका बरामद गरेको छ ।
सशस्त्र सीमा प्रहरी बल गौरीगंजका डिएसपी विष्णुहरी घिमिरेको नेतृत्वमा खटी गएको टोलीले आज विहान करिब ८ बजे ३ लाख मुल्य बराबरको पटका र विडी बरामद गरेको हो ।
प्रहरी टोलीले अवैधरूपमा भारतबाट नेपाल ल्याई अन्सारीको घरको कोठामा राखिएको अवस्थामा बरामद गरेको थियो ।
अवैधरूपमा भारतबाट ल्याएको ३ बोरा पटाका र १ बोरा बिडी कोठामा ताल्चा लगाइएको अवस्थामा शसस्त्र प्रहरीको टोलीले सुइको पाएपछि छापा मार्दा उक्त परिणामको पटाका र बिडि फेला पारेको थियो ।
बरामद गरिएको उक्त परिमाणको पटाकालाई जिल्ला स्थित सशस्त्र प्रहरी बलको हेडक्वाटरमा नष्ट गरिने सशस्त्र प्रहरीका डिएसपी विष्णहरी घिमिरेले बताएका छन् ।
