जाजरकोट भूकम्प अपडेट : मृतकको संख्या एक सय ३८ पुग्यो
साझा परिवेश
शनिबार, कार्तिक १८, २०८० १५:५४
काठमाडौं । जाजकोटको रामी डाँडा केन्द्रबिन्दु भएर गएको भूकम्पबाट मृत्यु हुनेको संख्या एक सय ३८ पुगेको छ ।
शुक्रबार राति ११ बजेर ४७ मिनेटमा ६ दशमलव ४ म्याग्निच्युडको भूकम्प जाँदा सबैभन्दा धेरै जाजरकोटमा एक सय जनाको मृत्यु भएको छ ।
नेपाल प्रहरीले दिएको जानकारीअनुसार जाजरकोटमा भूकम्पमा परी ८१ जना घाइते भएका छन् । जसमा ३३ जनाको जिल्ला अस्पतालमा उपचार भइरहेको छ भने २२ जना घाइतेलाई थप उपचारका लागि सुर्खेत रिफर गरिएको प्रहरीले जनाएको छ ।
यस्तै भूकम्पमा परी रुकुम पश्चिममा मृत्यु हुनेको संख्या ३८ पुगेको छ । रुकुम पश्चिममा ८५ जना घाइते भएका छन् । जसमध्ये ३० जना उपचारपछि डिस्चार्ज भएका छन् भने ४० जना उपचाररत छन् । १५ जनालाई थप उपचारका लागि सुर्खेत र नेपालगन्ज रिफर गरिएको प्रहरीले जनाएको छ ।
मृतकको संख्या एक सय ३८ पुग्दा कुल घाइते एक ६६ जना छन् ।
