सरकारले केही काम गर्न नसकेर भ्रष्टाचारलाई स्टन्ट बनाएको : ओली

• केही काम गर्न नसकेपछि सरकारले भ्रष्टाचारको स्टन्ट रोजेको 
• लडेको राँगोलाई मैले पछारेको’ भने जस्तै हो 
• भुटानी शरणार्थी प्रकरण पहिला ढाकछोप गरेको र बाहिरिएपछि अघि बढाएको आरोप 
• एमालेलाई बदनाम गर्न खोजे पनि अनियमितता र भ्रष्टाचारमा एमालेको संलग्नता नभएको ओलीको दाबी 

काठमाडौं ।।

नेकपा एमालेका अध्यक्ष केपी शर्मा ओलीले केही काम गर्न नसकेपछि सरकारले भ्रष्टाचार विरोधी अभियानका नाममा पोलिटिकल स्टन्ट मात्र गरेको बताएका छन् । एमालेको बागमती प्रदेश कमिटी बैठकलाई सम्बोधन गर्दै ओलीले भ्रष्टाचारविरोधी काममा सरकारको योगदान नै नभएको बताए । ‘अहिलेको सरकार, खासगरी प्रधानमन्त्री र गृहमन्त्री, लडेको राँगो मैले पछारेको भन्ने खालका छन् ’ ओलीले भने ।

भुटानी शरणार्थी प्रकरणमा १९ जेठ २०७९ मै प्रहरीकहाँ निवेदन परेको भए पनि अहिले सरकारमा भएकाहरुले ढाकछोप गरेको र बाहिरिएपछि अघि बढाएको उनले बताए । यो नियमित प्रक्रियाअनुसार अघि बढेको भन्दै उनले हामीले  गरयौं भन्नु व्यर्थको पोलिटिकल स्टन्ट मात्र भएको उनले बताए । ओलीले अघि भने, ‘अहिले पनि कहाँ मुद्दा चलेको छ र ? धर्मस्थलीतिरको केस खोइ ? मातातीर्थको केस खोइ ?’

एमालेलाई बदनाम गर्न खोजे पनि यस्ता कुनै अनियमितता र भ्रष्टाचारमा एमालेको संलग्नता नभएको समेत ओलीले बताए ।

• संसद विघटन