इजरायलको हमलाका कारण गाजास्थित प्यालेस्टिनी शरणार्थी शिविरको सेवा बन्द : राष्ट्रसंघ
साझा परिवेश
शुक्रबार, मंसिर १, २०८० १८:३१
तेल अबिब । राष्ट्रसंघले इजरायली हमला जारी रहँदा गाजास्थित प्यालेस्टिनी शरणार्थी शिविरको सेवा बन्द गर्नुपरेको जनाएको छ ।
राष्ट्रसंघको राहत कल्याण निकायले प्यालेस्टिनी शरणार्थीका लागि पनि इन्धन अभाव भएकाले सेवा बन्द गर्ने स्थिति आएको जनाएको हो । युद्ध क्षेत्रमा सञ्चार सेवासमेत अवरुद्ध छ । इजरायली सेनाले गाजा सहरको अल शिफा अस्पतालमा तेस्रो दिन पनि सैन्य कारबाही जारी राखेको छ । अस्पतालका निर्देशकले सयौं बिरामी त्यहाँ फसेको जनाएका छन् ।
गाजाको स्वास्थ्य मन्त्रालयका प्रवत्ता असरफ अल कुद्रले भने हजारौं महिला, बालबालिका, बिरामी र घाइते मृत्युको मुखमा पुगेको दाबी गरेका छन् । इजरायलले अस्पताल प्रांगणनजिकै हमासले बन्धक बनाएका दुई इजरायली मृत भेटिएको जनाएको छ ।
युद्ध ४२औं दिनमा पुग्दा दुवैतर्फ १२ हजार ६ सयभन्दा बढीको ज्यान गएको छ ।
