गठ्ठाघरमा रहेको ग्लोईङ्ग किड्स मन्टेस्वरीले हरिबोधिनी एकादशी बिद्यार्थीहरु माझ मनायो

भक्तपुरको मध्यठिमी ३ गठ्ठाघरमा रहेको ग्लोईङ्ग किड्स मन्टेस्वरीले हरिबोधिनी एकादशी बिद्यार्थीहरु माझ मनाएको छ ।

बिद्यार्थीहरुमाझ बिष्णुको प्रतिकका रुपमा तुलशीको दामोदरसग बिबाह र बिशेष पुजा गरि मनाइएको हो ।

बिद्यार्थीहरुलाइ धर्म संस्कृतिको बारेमा जानकारी गराउदै स साना बिद्यार्थीहरु बिच मनाइएको बिधालयका प्रमुख लक्ष्मी सोधा श्रेष्ठले बताउनु भयो ।

प्रत्येक वर्ष कार्तिक शुक्ल एकादशीका दिनमा भगवान् विष्णुको प्रतीकका रुपमा तुलसीको दामोदरसँग विवाह र विशेष पूजा गरी मनाइने हरि बोधिनी एकादशी पर्व आज मनाउन लागिएको हो । आषाढ शुक्ल एकादशी अर्थात् हरि शयनी एकादशीका दिनमा क्षीरसागरमा सुत्नुभएका विष्णु आज ब्युँझनुहुने भएकाले आजको एकादशीलाई हरिबोधिनी वा प्रवोधिनी एकादशी पनि भनिन्छ ।

हरिशयनी एकादशीका दिन घर घरमा रोपेर विशेष पूजा गरिएको तुलसीको मठमा गाईको गोबर र रातो माटोले पोतेर सिँगारी फूल मालाले सजाएर आज विवाह गरिन्छ । तुलसी विष्णुप्रिया भएकाले यस दिन तुलसीको दामोदरसँग विवाह गर्ने परम्परा बसेको हो । तुलसीको मठ नजिकै विष्णुको प्रतीकका रुपमा निगालाको लिङ्ग गाडेर विधिपूर्वक पूजा गरिन्छ । कार्तिक महिनाभर सबै देव देवी तुलसीमै निवास गर्छन् भन्ने धार्मिक विश्वास छ ।

• संसद विघटन