February 25, 2024 | आइतवार, फाल्गुन १३, २०८०
सुचनाहरु
नारायणगढ–मुग्लिन सडक आजदेखि दिउँसो बन्द नहुने बजेटको जोहो नहुँदा शिक्षा पदक अलपत्र लुम्बिनी प्रदेशसभा सदस्य यादव निलम्वित झापामा लागुऔषसहित २ जना पक्राउ क्यानले गर्‍यो भूकम्प पीडितलाई २० लाख सहयोग वडावासीलाई चितवन मेडिकल कलेजको उपचारमा ५० प्रतिशत छुट सरकारी फार्मेसी रित्तो, औषधी किन्न पठाइन्छ निजीमा बढ्दो कोरिया क्रेज श्रम मन्त्रालयको पुनर्संरचना सुरु अमेरिका पुगेका ८ नेपाली स्वदेश फर्काइए अमेरिकामा नायिका रेखा थापाले जन्माइन् छोरी गाँजा र कोदोको रक्सी खुला गर्ने नीति बनाउन सांसद चन्द्र भण्डारीको माग गैरहाजिर भएका १८ जना प्रहरीलाई ७ दिनभित्र उपस्थित हुन निर्देशन सुनको मूल्य घट्यो सात महिनामा ८ अर्बको चिया र कफी निर्यात बैंकको ब्याज एकल अंकमा झार्नुपर्छ : राजेन्द्र लिङ्देन नामिबियासँग नेपाल दुई विकेटले हार्‍यो सीतापाइलामा आमा र दुई छाेरीकाे हत्या, श्रीमान् पनि झुन्डिएकाे अवस्थामा मृत भेटिए लघुवित्त र सहकारी पीडितका प्रतिनिधिसँग प्रधानमन्त्रीले- सरकारले पहल गरिरहेकाे छ, समस्या चाँडै समाधान हुन्छ ‘दयारानी’ हिट भएको सार्वजनिक गर्दै दयाहाङले भने, ‘हामी सम्पूर्णप्रति आभार व्यक्त गर्दछौ’

नेपालमा दैनिक तीनदेखि पाँचको शव नेपाल भित्रिरहेको अवस्थाको अन्त्य कहिले हुन्छ ?

  • साझा परिवेश
  • सोमवार, अशोज ३१, २०७९ ११:१५
नेपालमा दैनिक तीनदेखि पाँचको शव नेपाल भित्रिरहेको अवस्थाको अन्त्य कहिले हुन्छ ?

वैदेशिक रोजगारीमा गएर फर्किएकालाई स्वदेशमै टिकाउनका लागि ‘वेलकम होम’ परियोजना सञ्चालनमा आएको छ । प्रदेश नं १ को झापा, मोरङ र सुनसरीमा यो परियोजना सञ्चालनमा आएको हो । कथा नेपालले आइतबार भद्रपुरमा ‘मिडिया अन्तक्र्रिया’ कार्यक्रमको आयोजना गरी परियोजनाबारे जानकारी दिएको छ । कथा नेपालका नेशनल को–अर्डिनेटर ताराप्रसाद बडहरियाले विदेशबाट दुःख पाएर फर्किका, ज्ञान–सीप लिएर आएकालाई आर्थिक एकीकरण सहयोग गर्ने उद्देश्यले परियोजना सञ्चालनमा आएको बताउनुभयो ।

परियोजनाअन्तर्गत विदेशबाट फर्किएकाका लागि रोजगारी सिर्जना, क्षमता अभिवृद्धि, विदेशमा प्राप्त गरेको ज्ञान–सीपलाई स्वदेशमै प्रयोग गर्ने अवस्था बनाउनेलगायतका क्रियाकलाप गरिने जनाइएको छ । उहाँले भन्नुभयो, “श्रम बजारमा भोगेका समस्यालाई पहिल्याउने र समाधान गर्ने कार्ययोजना छ, विदेशबाट फर्किएर पुनः विदेश नै जानुपर्ने अवस्था रहेको छ । आवश्यक तालिम दिएर रोजगारीमा फर्काउने र समाजमा स्थापित गर्ने काम गर्छौं ।”

कार्यक्रममा पौरखी नेपालकी मञ्जु गुरुङले विदेशबाट फर्किंदा घरपरिवार र सम्पत्ति दुवै नरहने कतिपय टिठलाग्दो अवस्था रहेको बताउनुभयो । “अझ विदेश गएरका र फर्किएका महिला बढी समस्यामा छन्”, उहाँले भन्नुभयो, “उनीहरुलाई सम्मानका साथ समाजमा स्थापित गर्ने काम गरिरहेका छौँ ।” रोजगारीको खोजीमा नेपाली जनशक्ति विदेशिरहेको अवस्था एकतातिर छ भने स्वदेशमा श्रमशक्ति अभाव हुँदा छिमेकी मुलुकबाट धेरैले काम गरिरहेको अवस्था छ । उनीहरुलाई आवश्यक तालिम, परामर्श दिने र स्वदेशमै टिकाउने सोचका साथ परियोजना अघि बढाइएको जनाइएको छ ।

कार्यक्रममा भद्रपुर नगरपालिकाका प्रमुख गणेश पोखरेलले भद्रपुर नगर क्षेत्रबाट करिब पाँच हजार वैदेशिक रोजगारीमा गएको बताउनुभयो । “त्यति नै मान्छे विदेशबाट फर्किएका छन्”, नगर प्रमुख पोखरेलले भन्नुभयो, “वैदेशिक रोजगारीका क्षेत्रमा धेरै समस्या छन्, पालिकास्तरबाटै हामी काम गर्ने सोचमा छौँ ।” नगरपालिकाले वैदेशिक रोजगारीबाट फर्किएका र जानेका लागि वित्तीय साक्षरता, परामर्श, उद्यमशीलतालगायतको काम गर्दै आएको र केही उपलब्धिसमेत हासिल भएको नगर प्रमुख पोखरेलले बताउनुभयो ।

यस्तै, जिल्ला प्रशासन कार्यालय झापाका प्रमुख जिल्ला अधिकारी छविलाल रिजालले वैदेशिक रोजगारलाई एउटा अवसरका रुपमा हेरिनुपर्नेमा अनिवार्यजस्तै बनेको बताउनुभयो । “निर्वाहमुखी कृषि र वैदेशिक रोजगारीले अर्थतन्त्र धानेको छ”, उहाँले भन्नुभयो, “यसले गरिबी निवारणमा केही हदसम्म काम गरे पनि दीर्घकालीन फाइदा गर्दैन ।”

दैनिक दुई हजार तीन सयनेपाली विदेशिइरहेको र तीनदेखि पाँचको शव नेपाल भित्रिरहेको टिठलाग्दो अवस्था रहेको उहाँले उल्लेख गर्नुभयो । यस्तो अवस्था अन्त्यका लागि स्थानीय सरकारको भूमिका महत्वपूर्ण हुने भएकाले त्यसतर्फ लाग्नुपर्नेमा जोड दिनुभयो । कार्यक्रममा भद्रपुर नगरपालिकार्की उपप्रमुख राधा कार्कीले विदेश नगई हुने अवस्था रहेकाले सोको अन्त्य गर्नुपर्नेमा जोड दिनुभयो । “सबैको सहयोग र प्रयासबाट मात्र सम्भव छ”, उहाँले भन्नुभयो, “हामी आफैँले केही गर्नुपर्ने बेला आएको छ । वेलकम होम परियोजना जिल्लाभर सञ्चालनमा आइसकेको कथा नेपालले जनाएको छ ।

  • साझा परिवेश
  • सोमवार, अशोज ३१, २०७९ ११:१५

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।