April 4, 2025 | शुक्रबार, चैत्र २२, २०८१
सुचनाहरु
वायु प्रदुषणले बिगार्दैछ आँखा, यसरी बचाउनुहोस् आँखालाई मोरङमा कुकुरको टोकाइबाट ६० एक वृद्धको गयो ज्यान  कुलमानको रिटमा सर्वोच्चले दिएन अन्तरिम आदेश  काठमाडौ महानगरका कर्मचारीले प्रमुख प्रशासकीय अधिकृत सरोज गुरागाईँलाई कार्यकक्षमा पुर्याएरै छाडे  नाच्दै गाउँदै शिक्षकहरुले गरे बेग्लै बिरोध प्रर्दशन सगरमाथा आधार शिविरमा काम गर्ने श्रमिकको गयो ज्यान   प्रधानमन्त्री ओलीले र भारतीय समकक्षी मोदीलाई थाइल्याण्डमा भेट्दै खानेतेलको मूल्य प्रतिलिटर १५ देखि ४० रुपैयाँसम्म बढ्यो   २५ करोडका मालिकको पहिचान   जडिबुटिमा राजावादी प्रदर्शनकारीको आगजनीले २८ करोडभन्दा बढीको क्षति शिक्षकहरु फेरी उत्रिए राजधानी केन्द्रित आन्दोलनमा तिनकुने प्रदर्शनमा ज्यान गुमाउने सुरेश र सबिनको परीवारलाई  सरकारले १०–१० लाख दिने शिक्षक महासङ्घले आजदेखि काठमाडौं केन्द्रित सडक आन्दोलन गर्दै असार ७ गतेभित्र एसइईको परीक्षाफल आइसक्ने गुजरातको पटाका गोदाममा ठूलो विस्फोट हुदा १७ जनाको गयो ज्यान तीनकुने घटनामा संलग्न २४ जना पनि पक्राउ राजावादिको प्रदर्शनमा ज्यान गुमाएका सबिनको गरियो पोस्टमार्टम  भाटभटेनी लुट्न आउने प्रदर्शनकारीलाई प्रतिकार गर्ने सुरक्षागार्ड तथा अन्य कर्मचारीलाई सम्मान गरीदै जारी अधिवेशनको अन्तिम प्रतिनिधि सभा बैठक आज बस्दै, यस्तो छ कार्यसूची किच्चकबधमा उत्खनन गर्दा भेटियो ‘दरबारको जग’

ललितपुरमा डाक्टर र कर्णेलको घरमा चोरी

  • साझा परिवेश
  • शुक्रबार, मंसिर १५, २०८० १0:५८
ललितपुरमा डाक्टर र कर्णेलको घरमा चोरी
  • भैंसेपाटीका डा. फाहद आलमको घरमा ताल्चा फोडेर चोरी
  • कोही नभएका बेला चोरहरुको नजरमा आलमको घर पर्‍यो
  • चोरहरुले तामाको पानी खाने भाँडादेखि घडीसम्म उठाए

ललितपुर ।।

प्रहरीले सामान्यतः दसैं, तिहारमा घर जानु परे खबर गरेर जानु भन्छ, नभए छरछिमेकलाई रेखदेखका लागि भन्न सूचित गर्छ । दसैंमा घर जाँदा चोरी होला भनेर त्यसैलाई लक्षित गरेर सुरक्षा योजना बनाएर काम पनि गर्छ । तर, सुरक्षाका लागि प्रहरी चनाखो बन्ने त्यही दसैंका बेला भैंसेपाटीका डा. फाहद आलमको घरमा ताल्चा फोडेर चोरी भयो ।

१२ मंसिरदेखि २१ गतेसम्म घरमा कोही नभएका बेला चोरहरुको नजरमा आलमको घर पर्‍यो । चोरी गर्ने व्यक्तिहरुले घरमा भएको यूएस डलर, सुनको औंठी, म्याकबुक मात्र उठाएनन्, डा. आलमको अक्सोमिटर (अक्सिजन नाप्ने उपकरण) पनि लगे । जिल्ला प्रहरी परिसर, ललितपुरका एसएसपी सिद्धिविक्रम शाहका अनुसार, कोही नभएको मौका पारेर चोरहरुले तामाको पानी खाने भाँडादेखि घडीसम्म उठाएका थिए । घरमा भएको भारतीय र नेपाली रुपैयाँ पनि उनीहरुले लगेका थिए ।
‘हेयर स्ट्रटनरदेखि पोते समेत चोरेको पाइएको छ’, शाहले भने, ‘डाक्टर सा’बहरु दसैं मनाएर फर्किनु भएपछि मात्रै चोरी भएको थाहा भयो ।’ प्रहरीले चोरीमा संलग्न भैंसेपाटीका सविन रोका, भिमढुंगाका मनोज नेपाली, मकवानपुरका राजु भोलन र गोदावरीका उमेश श्रेष्ठलाई हालै पक्राउ गरेको छ ।

‘उजुरी पर्ने वित्तिकै सीसी टीभी लगायतका विवरणका आधारमा खोजी थालेका थियौं, त्यसक्रममा उनीहरुलाई पक्राउ गरेका छौं’, उनले भने, ‘पक्राउ परेपछि उनीहरुले दिउँसै घरमा छिरेर चोरी गरेको बयान दिएका छन् ।’ प्रहरीले अमेरिकी डलर साटिदिन सहयोग गरेको आरोपमा थप दुई जनालाई पनि पक्राउ गरेको छ ।

नेपाली सेनाका एक जना कर्णेल पनि ४ मंसिरमा छठ पर्व मनाउन बाहिर निस्किएका थिए । डेरामा ताल्चा थियो । चोरी गर्नलाई रेकी गरेर बसेका प्रेमबहादुर तामाङ र अम्बरबहादुर तामाङलाई त्यो मौका बन्यो । ‘छिरेर नगरसहित सुन चाँदीका गरगहना पनि चोरेर लगेका थिए’, एसएसपी शाहले भने, ‘अनुसन्धानपछि दुवै जनालाई चोरीका सामग्रीसहित पक्राउ गरेका छौं ।’ उनीहरुविरुद्ध अनुसन्धानका लागि अदालतबाट म्याद लिइएको शाहले बताए ।

 

  • साझा परिवेश
  • शुक्रबार, मंसिर १५, २०८० १0:५८

प्रतिक्रिया

तपाइको प्रतिक्रिया दिनुहोस्

नेपाल अपडेट