स्पिडमा आएको कार दुई जना यात्रीलाई ठोकेर फरार, दुई जना पैदलयात्रीकै मृत्यु
साझा परिवेश
मङ्लबार, पुस १०, २०८० ११:५४
कारको ठक्करबाट दुई जना पैदलयात्रीको मृत्यु
अन्दाजी २० वर्षीय र ३५ वर्षीय देखिने पुरुषको मृत्यु
कार भने वडा प्रहरी कार्यालय बैदामको नियन्त्रणमा
काठमाडौं ।।
कास्कीको पोखरा महानगरपालिका वडा नम्बर ५ प्रस्याङमा कारको ठक्करबाट दुई जना पैदलयात्रीको मृत्यु भएको छ । गएराति करिब १ बजेतिर बागलुङ बसपार्कबाट जिरो किलोमिटरतर्फ जाँदै गरेको बा १३ च ३७२१ नम्बरको कारले सिद्धार्थ बैंक अगाडि ठक्कर दिंदा पोखरा महानगरपालिका-३ नदीपुर बस्ने २० वर्षीय ढालेन्द्र छन्त्याल र अन्दाजी ३५ वर्षीय देखिने पुरुषको मृत्यु भएको हो ।
उनीहरुलाई वडा प्रहरी कार्यालय बैदामको टोलीले उपचारका लागि पश्चिम क्षेत्रीय अस्पताल गण्डकी पठाएकोमा डाक्टरहरुले मृत घोषणा गरेका थिए । कार चालक फरार रहेकाले खोजी कार्य जारी छ । कारलाई भने वडा प्रहरी कार्यालय बैदामको नियन्त्रणमा छ ।
