सरकारले उद्योगीलाई अपराधीजस्तो व्यवहार गर्यो, कुलमानको गल्ती देखेन : अग्रवाल
साझा परिवेश
आइतवार, पुस १५, २०८० १४:१0
राज्यले उद्योगीलाई अपराधीजस्तो व्यवहार गर्यो
कुलमान घिसिङको ‘गल्ती’ सरकारले देखेन
विद्युत् काटेर अर्बौँ राजस्व गुमायो
काठमाडौं ।।
नेपाल उद्योग परिसंघका अध्यक्ष राजेशकुमार अग्रवालले राज्यले उद्योगीलाई अपराधीजस्तो व्यवहार गरेको बताएका छन् । आइतबार काठमाडौंमा आयोजित पत्रकार सम्मेलनमा उनले उद्योगको बिजुली काटेर सरकारले नै अपराधीको जस्तो व्यवहार गरेको आरोप लगाए ।
नेपाल विद्युत् प्राधिकरणका कार्यकारी निर्देशक कुलमान घिसिङले गरेको ‘गल्ती’लाई सरकारले सहयोग गरेको उनको भनाइ छ । “एउटा व्यक्तिको कार्यक्षमता प्रमाणित गर्ने गरी राज्य लाग्नु हुँदैन । आज विद्युत् काटेर अर्बौँ राजस्व गुमाएको छ,” उनले भने, “रोजगारी पाएका जनतालाई विस्थापित गरेको छ । हामीलाई प्रमाण दिए जे जति हो, तिर्छौँ । दुःख उद्योगीलाई दिनु भएन ।”
