वाणिज्य बैङ्क इटहरी शाखा बन्यो नेपालकै उत्कृष्ट शाखा

इटहरी । राष्ट्रिय वाणिज्य बैङ्क इटहरी शाखा नेपालकै उत्कृष्ट शाखा बनेको छ । बैङ्कको ‘ख’ वर्गको शाखाहरू मध्ये इटहरी शाखा नेपालकै उत्कृष्ट शाखा बनेको हो ।

बैङ्कले ५८ औ वर्ष पार गरी ५९ वर्ष प्रवेश गरेको अवसरमा उत्कृष्ट शाखाको रूपमा छनौट भएको राष्ट्रिय वाणिज्य बैक इटहरी प्रमुख वरुण कर्णले जानकारी दिए । यस्तै , इटहरी शाखामा कार्यरत यमुना गौतम ‘वेस्ट ईम्प्लोई अफ् द इयर’ मा छनौट भएकी छिन् ।

५८ वर्ष पूरा गरी ५९ औ वर्ष लागेको अवसरमा बुधवार इटहरी पुर्वलाईनमा रहेको बैकको कार्यालयमा विविध कार्यक्रम गरी मनाएको छ ।

कार्यक्रममा बैकका ९ जना सेवाग्राही र १ जना पूर्व कर्मचारीलाई सम्मान गरिएको थियो । ५ जना उत्कृष्ट बचत कर्ता , ४ जना उत्कृष्ट ऋणी र १ जना पूर्व कर्मचारीलाई सम्मान गरिएको बैकका सहायक प्रमुख महेश नेपालले जानकारी दिए ।

कार्यक्रमका अध्यक्ष तथा बैङ्क इटहरी शाखाका प्रमुख वरुण कर्णले वार्षिक उत्सवको अवसरमा विभिन्न सुविधाहरू ल्याएको बताए । वार्षिक उत्सवको अवसरमा मोबाइल तथा इन्टरनेट बैङ्किङ एटिएम तथा लकर सेवामा विशेष छुट गरिएको समेत प्रमुख कर्णले बताए ।

वाणिज्य बैङ्कले देशकै बैकहरूको नेतृत्व गरिरहेको समेत कर्णले बताए । भने कार्यक्रम सञ्चालन तथा सहजिकरण महेश नेपालले गरेका थिए ।कार्यक्रममा बैङ्कका कर्मचारी पूर्व कर्मचारीहरू सेवाग्राही तथा सञ्चारकर्मीहरूको उपस्थिति रहेको थियो ।

२०५० साल माघ १० गते इटहरीमा स्थापना भएको वाणिज्य बैङ्क शाखाले निरन्तर सेवा प्रदान गर्दै आइरहेको छ ।

• संसद विघटन