वैशाख १५ मा हुन गइराखेको उपनिवार्चनमा सत्ता पक्ष र प्रतिपक्षहरुले आ–आफ्ना उम्मेदवार सार्वजनिक गरिराखेको बेलामा माओवादी केन्द्र भने उम्मेदवार उठाउने या नउठाउने भन्ने बारेमा अलमलमा देखिएको छ ।
रिक्त रहेको इलाम २ मा प्रतिनिधिसभा सदस्य र बझाङ १ मा प्रदेश सभा सदस्य निर्वाचनका लागि निर्वाचन आयोगले चैत्र २४ गते बिहान १० बजेदेखि बेलुका ५ बजेसम्मका लागि उम्मेदवारको मनोनयन दर्ता प्रकाशित गरेको छ । तर सत्ता घटक एमाले र रास्वपा उपनिर्वाचनका लागि सक्रिय हुँदा माओवादी अहिलेसम्म कुनै निष्कर्षमा नपुगेको हो । यद्यपि उपनिर्वाचनमा आफ्नै उम्मेदवार उठाउने कि गठबन्धनबाट साझा उम्मेदवार बनाउने भन्ने विषयमा छलफल भइरहेको पनि स्रोतको दावि रहेका छ ।
सत्ता गठबन्धनका ठुलो दल एमालेले इलाम २ मा युवा सुहाङ नेम्बाङलाई उम्मेदवार बनाउने निर्णय गरिसकेको छ । आइतबार बसेको एमालेको सचिवालय बैठकले दिवङ्गत नेता सुवासचन्द्र नेम्बाङका कान्छा छोरा समेत रहेका सुहाङलाई उम्मेदवार बनाउने निर्णय गरेको हो ।
