अब मापसे पर्नेहरुले अनलाइनबाटै ट्राफिक सचेतना कक्षा लिन पाउने
साझा परिवेश
बुधबार, चैत्र २७, २०८१ 0९:२९
अब ट्राफिक नियम उल्लङ्घन गरेपछि प्रशिक्षण लिन ट्राफिक कार्यालय धाइरहनुपर्ने समस्या अन्त्य हुने भएको छ। अबका दिनबाट मापसे पर्दा लज्जित भइभइ सचेतना कक्षा धाइरहनु पर्ने झन्झटबाट कम्तिमा मदिरा पिउनेहरुलाइ छुटकारा मिलेको छ ।
नेपाल प्रहरी, नागरिक एप र ज्ञान बजार प्रालिको सहकार्यमा अब केही सातामै नागरिक एपबाटै ट्राफिक सचेतना कक्षा लिन सकिने भएको छ। ज्ञान बजारले तयार पारेको सफ्टवेयर नागरिक एपमा लिंक गरिएको छ र आन्तरिक परीक्षण समेत सम्पन्न भइसकेको छ।
अनलाइन लाइभ कक्षा हेर्न मिल्ने गरी एप अपडेट गरिएको छ। सेवा सुरु १० वैशाख पछी गर्ने गरि कार्यतालिका तोकिएको छ। कक्षामा सहभागीको नाम र मोबाइल नम्बर एपले भेरिफाई गर्नेछ भने चिट नम्बर नेपाल प्रहरीको सिस्टमबाट लिइनेछ।
ज्ञान बजारको एआई डिटेक्सन प्रविधिले ६० सेकेन्डभन्दा बढी कक्षा नबसेको वा अर्कैले बसेको स्थिति पत्ता लगाउनेछ। बग्गीखानास्थित ट्राफिक प्रहरी कार्यालयबाट सेवा सुरु गरिने तयारी छ।
