जब प्रधानमन्त्रि ओलीले स्वातगत गर्न उभिएकी रेनु दाहालाई सोधे – छोरी सञ्चै छौ?
साझा परिवेश
शुक्रबार, बैशाख ६, २०८२ २0:0४
प्रधानमन्त्री केपी शर्मा ओली शुक्रबार चितवनका विभिन्न स्थानमा भएका विकास निर्माण परियोजनाको उद्घाटनका लागि काठमाडौंबाट भरतपुरमा उत्रिए । त्यहाँ प्रधानमन्त्री केपी शर्मा ओलीलाई मेयर रेनु दाहालले फूलका गुच्छा दिँदै स्वागत गरीन् ।
काठमाडौँबाट प्रधानमन्त्री ओली चढेको जहाज भरतपुर विमानस्थल पुग्दा मेयर ओली फूलका गुच्छा लिएर लाइनमै उभिएकी थिइन्। रेनुलाई देखेर प्रधानमन्त्री ओली मुसुक्क हाँसे र फूलगुच्छा लिँदै सोधे– छोरी सञ्चै छौ?
रेनुले पनि मुस्काउँदै मुन्टो हल्लाएको प्रत्यक्षदर्शीले बताएका छन्।
उनी भरतपुर महानगरपालिकास्थित पुलचोक–गोन्द्राङ ६ लेन सडक र इच्छाकामना गाउँपालिकाको प्रशासकीय भवनको आज उद्घाटनका लागि चितवन पुगेका थिए ।
२०७७ सालमा ओली नै प्रधानमन्त्री रहेका बेला यो सडकको उनैले शिलान्यास गरेका थिए। त्यो बेला भने मेयर दाहाल कार्यक्रममा उपस्थित थिइनन्। यसपटक पनि उनी जालिन् कि नजालिन् भन्ने अन्यौल चिर्दै दाहालले विमानस्थल नै पुगेर ओलीको स्वागत गरेकी छन्।
