मिर्गौला पीडित चक्रबहादुर अस्पतालको छतबाट हामफाल्दा गयो ज्यान
साझा परिवेश
मङ्लबार, बैशाख १७, २०८२ १९:२५
मिर्गौला पीडित चक्रबहादुर सिंह सेती प्रादेशिक अस्पतालमा डायलासिस गर्दै आएका थिए । सोमवार पनि डायलासिस गर्न भनेर गएका सिंहलाई चिकित्सकले मेडिकल वार्डमा भर्ना गरेका थिए । अस्पतालमै भर्ना गराएपछी सिंहकी श्रीमती ईश्वरीदेवी उनको कुरुवा बसीरहेकी थिइन् । तर मङ्गलबार दिउँसो एकैछिन बाहिर जान्छु भनेर निस्किएका सिंह एक्कासी तेस्रो तलाबाट हामफाले ।
गोदावरी नगरपालिका–१ का ६३ वर्षीय चक्रबहादुर सिंहले मंगलबार दिउँसो अस्पतालको तेस्रो तलाबाट हाम फालेलगत्तै आकस्मिक कक्षमा उपचार गराउन लैजादा चिकित्सकले उनलाई मृत घोषणा गरेका हुन् ।
सोमबार मेडिकल वार्डमा भर्ना भएका सिंहले दिउँसो २ बजेपछि एक्कासि तेस्रो तलाबाट हाम फालेको अस्पतालका सूचना अधिकारी किशोर श्रेष्ठले बताए । सोमवार पनि डायलासिस गर्न आएका सिंहलाई चिकित्सकले मेडिकल वार्डमा भर्ना गरेका थिए । तर मङ्गलबार उनले आफै प्राण त्यागे ।।
