कोरोनाका कारण काभ्रेमा करिब १० प्रतिशत कुखुरा उत्पादन घट्यो
साझा परिवेश
आइतवार, मंसिर २१, २०७७ १८:१४
काभ्रे : काभ्रे जिल्ला मासु उत्पादनमा अत्मनिर्भर छ । जिल्लामा ब्रोईलर कुखुराको उत्पादन धेरै राम्रो छ । तर पछिल्लो समय कोरोना भाईरसको माहामारीका कारण करिब १० प्रतिशत उत्पादन घटेको पोल्ट्री ब्यवसायी मञ्च काभ्रेका सचिव दयाराम महतले जानकारी दिनुभयो । उत्पादन गरेका चल्लहरु किसान सम्म पुर्याउन नसक्नु, बिक्रीका लागी तयारी भएको कुखुरा बजार सम्म ल्याउन नसक्नु लगायतका समस्याले गर्दा उत्पादन घटेको उहाँको भनाई छ ।
जिल्लामा मात्र ८ हजार ५ सय ५६ मेट्रीक टन जिउदो कुखुरा उत्पादन हुने गरेको छ । देशकै कुल उत्पादन मध्ये ७.५ प्रतिशत जिल्लामा उत्पादन हुने गरेको महतले जानकारी दिनुभयो । पाँचखाल,धुलिखेल,नमोबुद्ध,नाला,साँगा लगायतमा ठाँउ पोल्ट्री ब्यवसायका लागी पकेट क्षेत्र मानिएको छ ।
यस्तै माहाभारत,मण्डनदेउपुर नगरपालिका लगायत जिल्लाको १३ ओटै स्थानीय तहका किसानले कुखुरा उत्पादन गर्दै आएका छन् । जिल्लामा पर्याप्त खपत भएर बँकी काठमाण्डौको बजारमा समेत पठाईदै आएको छ । हाल जिल्लामा एक हजार भन्दा धेरै ब्रोईलर कुखुरा उत्पादन गर्ने फर्महरु छन् । जिल्लामा मासु तथा अण्डा उत्पादन धेरै राम्रो रहेको उहाँले बताउनुभयो ।
