March 27, 2023 | सोमवार, चैत्र १३, २०७९
सुचनाहरु
संक्रमणकालीन न्यायमा एमालेको प्रश्न : झारा टार्न मात्र विधेयक ल्याएको त होइन ? नेपाल कराते महासंघको अध्यक्षमा राखेपका पूर्वसदस्यसचिव कोशी नाम स्वीकार्न चार दलको अपील नवाजुद्दिनले भाइ र श्रीमतीमाथि गरे मानहानिको मुद्दा दर्ता दलित भनेर छुवाछुत गर्नेलाई आजीवन कारावासको सजाय दिनुपर्छः वामदेव गौतम मिटरब्याजीपीडितको समस्या समाधान गर्न सरकार गम्भीर होस् : सांसद बेलवासे अन्तिम कथा रवि लामिछानेमाथि मुद्दा नचलाउने महान्यायाधिवक्ताको निर्णयविरुद्ध रिट लैजाने तयारी सिके राउतको कटाक्ष- मन्त्रीबिना बाँच्नै नसक्नेलाई ल्याउन बारा २ मा उपचुनाव तोकियो २६.८७ अंकले घट्यो नेप्से, कारोबार रकम पनि खुम्चियो बारा-२ का जनताले मेरो डिमान्ड गरिरहेका छन् :उपेन्द्र यादव प्रभु साहको प्रश्न : तस्कर नियन्त्रणमा कसले खाइरहेको छ ४५ प्रतिशत कमिसन ? सवारी दुर्घटनाका घाइतेलाई निःशुल्क उपचारको व्‍यवस्था गर्न माग उत्तर प्रदेशका मुख्यमन्त्री योगी र राजदूत शर्माबीच भेटघाट ज्ञानेन्द्र शाहीको प्रस्ताव : सांसद र मन्त्रीका स्वकीय सचिवको तलब कटौती गरेर खेलाडीको बढाऔं ११ दिन पैदलै हिँडेर मिटर ब्याज पीडित आइपुगे काठमाडौं पदम लिम्बुलाई सहिद घोषणा गर्न सांसद अशोक राईको माग प्राधिकरणको कारबाही : तीन एटीसी निलम्बित खानेपानीको ट्याङ्कीमा शव फेला रास्वपालाई ३, कांग्रेसलाई ८ मन्त्रालय– भोलिसम्म पूर्णता दिने

झाडीमा भेटिएकी ‘मानवी’ले पाइन् अभिभावक

  • साझा परिवेश
  • शनिबार, मंसिर २७, २०७७ १७:३२
झाडीमा भेटिएकी ‘मानवी’ले पाइन् अभिभावक

काभ्रे : सात महिनाअघि झाडीमा भेटिएकी बालिका ‘मानवी’ले अभिभावक पाएकी छन् । नमोबुद्ध नगरपालिका काभ्रेका प्रमुख टिपी शर्मा तिमल्सिनाले मानवीको अभिभावकत्व ग्रहण गरेका हुन् । मानवीको अभिभावकत्वसँगै उनको अन्नप्रशासनसमेत शनिबार सम्पन्न गरिएको छ । धुलिखलस्थित मानव कल्याण समाजले सञ्चालन गरेको सेवा घरमा मानवीको अन्नप्रशासन गरिएको हो ।

सिन्धुपाल्चोकको एउटा झाडीमा फालिएको अवस्थामा स्थानीय शिक्षकहरुले मानवीलाई भेटेका थिए । मानवी आमाको गर्भमा रहेको सात महिनामै जन्मिएकी थिइन् । मानसिक अवस्था कमजोर भएकी आमाबाट जन्मिएकी उनलाई जन्मेको १७ औं दिनमा उद्धार गरिएको थियो । उद्धार गर्दा अत्यन्तै नाजुक अवस्थामा रहेकी उनको स्वास्थ्य अहिले पुर्णरुपमा ठीक भइसकेको छ । हाल उनमा कुनै पनि किसिमको स्वास्थ्य समस्या देखिएको छैन ।

मानव कल्याण समाजले उद्धार गरेपछि उनको २५ औं दिनमा न्वारान गरिएको मानव कल्याण समाजकी अध्यक्ष सुमित्रा चौलागाईंले बताइन् । ती बालिकाको समाजले नै ‘मानवी’को रुपमा नामाकरण गरिदिएको हो । यसअघि तीनजना बालिकाको अन्नप्रशासन मानव कल्याण समाजमा भइसकेको छ ।


नमोबुद्ध नगरका नगरप्रमुख टिपी शर्मा तिमल्सिनाले यसअघि ६ जना बालबालिकाको शिक्षादीक्षाका लागि अभिभावकत्व ग्रहण गरिसकेका छन् । उनले ती बालबालिकालाई आफ्नो जन्मदिनको अवसर पारेर शिक्षा खर्च उपलव्ध गराउने गरेका छन् । आफूले सातौं नातिनीको रुपमा मानवीको अभिभावकत्व ग्रहण गरेको तिमल्सिनाले बताए । सडक मानवमुक्त नेपाल बनाउने मानव कल्याण समाजको अभियानमा आफू र नगरपालिका पनि जोडिएको भन्दै उनले मानवीको शिक्षादीक्षा लगायतका कुरामा आगामी दिनमा सहयोग गर्ने बताए ।

मानवीको अन्नप्रशासनका लागि नगर प्रमुख तिमल्सिना श्रीमति सरस्वती तिमल्सिनासहित उपस्थित भएका थिए । तिमल्सिना दम्पतीले मानवीको मामाघरको हजुरबुबा÷हजुरआमाको रुपमा अभिभावकत्व ग्रहण गरेका छन् । नगर प्रमुख तिमल्सिनाले समाजका लागि सेवा घर निर्माण गर्न नमोबुद्ध नगरपालिकाभित्र आवश्यक जग्गा उपलव्ध गराउने घोषणासमेत गरेका छन् । आगामी बर्षदेखि आफ्नो जन्मदिनसमेत सेवा घरमा रहेकाहरुको सेवा गरेर मनाउने पनि तिमल्सिनाले बताए ।

कार्यक्रमकै अवसरमा नमोबुद्ध नगरपालिका र मानव कल्याण समाजबीच सहयोग आदानप्रदानबारे सम्झौतासमेत भएको छ । सम्झौताअनुसार समाजले सडकमा रहेका बेवारिसे मानिसको उद्धार गर्नेछ भने सम्भव भएकालाई परिवारमा पुनस्र्थापनाको काम गर्नेछ । यसका लागि नगरपालिकाले समाजलाई १ लाख १ सय ११ रुपैयाँ सहयोग उपलव्ध गराएको छ ।

नगरपालिकाका प्रमुख प्रशासकीय अधिकृत राजन पौडेल र समाजकी अध्यक्ष सुमित्रा चौलागाईंले सम्झौतापत्रमा हस्ताक्षर गरेका छन् । कार्यक्रममै नगर प्रमुख तिमल्सिनाले सम्झौतामा उल्लेख भएअनुसारको १ लाख १ सय ११ रुपैयाँको चेक अध्यक्ष चौलागाईंलाई हस्तान्तरण गरेका छन् । मानवीको अन्नप्राशनका लागि लागेको सम्पूर्ण खर्चसमेत नमोबद्ध नगरपालिकाले ब्योहोर्ने छ ।

कार्यक्रममा पाँचखाल नगरपालिकाकी उपप्रमुख लक्ष्मी दनुवारले सडकमानव मुक्त नेपालको अभियानमा आफू र पाँचखाल नगरपालिकाले सक्दो सहयोग गर्ने बताइन् । कार्यक्रममा नमोबुद्ध नगरपालिकाका प्रमुख प्रशासकीय अधिकृत राजन पौडेलले मानवीका लागि आगामी दिनमा पनि नगरपालिकाले सहयोग गर्ने प्रतिवद्धता जनाए । उनले सडक मानव मुक्त नेपाल निर्माणका लागि अघि बढेको मानव कल्याण समाजसँगको सहकार्यलाई समेत नगरपालिकाले प्राथमिकता दिने बताए ।

कार्यक्रममा नमोबुद्ध नगरपालिका युवा परिषदका कार्यकारी उपाध्यक्ष अशोक खनाल, विभिन्न सामाजिक अभियन्ताहरुले सडकमानव मुक्त नेपाल निर्माणको अभियानको प्रशंसा गर्दै अभियानको सफलताका लागि सबै पक्ष एकजुट हुनुपर्ने बताए । कार्यक्रममा बेवारिसे मानिसको उद्धार तथा पुनस्र्थापनामा सहयोग गर्ने, सेवाघर सञ्चालनका लागि सहयोग गर्ने विभिन्न व्यक्तित्वलाई सम्मानसमेत गरिएको थियो ।

बेवारिसे मानिसहरुको उद्धार गर्दै आइरहेको मानव कल्याण समाजले भक्तपुर, काभ्रेको धुलिखेल र दाङ गरी तीन ठाउँमा सेवा घर सञ्चालन गर्दै आइरहेको छ । त्यसमध्ये भक्तपुरमा ५० जना रहेका छन् भने धुलिखेल र दाङमा २५÷२५ जनाले आश्रय लिइरहेका छन् । सेवा घरमा सानो उमेरदेखि वृद्धावास्थासम्मका व्यक्तिहरुले आश्रय लिइरहेका छन् ।

तीमध्ये कतिपय दीर्घरोगीसमेत रहेका छन् भने कतिपयको मानसिक अवस्था स्थिर नरहेको समाजले जनाएको छ । ७ जना युवाहरुको सक्रियतामा २०७२ सालको भुकम्पपछि सडकमा रहेकाहरुलाई खाना खुवाउने क्रममा सुरु भएको समाजमा हाल २१ जना पूर्णकालिन अभियन्ता रहेका छन् । समाजले अहिलेसम्म कुनै पनि विदेशी दाताबाट सहयोग रकम नलिएको अध्यक्ष चौलागाईंले बताइन् ।

  • साझा परिवेश
  • शनिबार, मंसिर २७, २०७७ १७:३२

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट