February 23, 2024 | शुक्रबार, फाल्गुन ११, २०८०
सुचनाहरु
गाँजा र कोदोको रक्सी खुला गर्ने नीति बनाउन सांसद चन्द्र भण्डारीको माग गैरहाजिर भएका १८ जना प्रहरीलाई ७ दिनभित्र उपस्थित हुन निर्देशन सुनको मूल्य घट्यो सात महिनामा ८ अर्बको चिया र कफी निर्यात बैंकको ब्याज एकल अंकमा झार्नुपर्छ : राजेन्द्र लिङ्देन नामिबियासँग नेपाल दुई विकेटले हार्‍यो सीतापाइलामा आमा र दुई छाेरीकाे हत्या, श्रीमान् पनि झुन्डिएकाे अवस्थामा मृत भेटिए लघुवित्त र सहकारी पीडितका प्रतिनिधिसँग प्रधानमन्त्रीले- सरकारले पहल गरिरहेकाे छ, समस्या चाँडै समाधान हुन्छ ‘दयारानी’ हिट भएको सार्वजनिक गर्दै दयाहाङले भने, ‘हामी सम्पूर्णप्रति आभार व्यक्त गर्दछौ’ सात महिनामा आयो २८ अर्बको खाद्यान्न सात दिनभित्र ललिता निवास क्षेत्र खाली गर्न काठमाडौँ महानगरको आग्रह परराष्ट्रमन्त्री साउद भारत भ्रमणमा जाँदै सुनको आयातमा ५९.३ प्रतिशतले कमी नजिकिँदै प्रचण्ड-ओली ? सूर्यदर्शन सहकारी ठगी : रवि लामिछानेमाथि अनुसन्धान अघि बढाइयो क्यानडामाथि नेपाल ‘ए’ को रोमाञ्चक जित राप्रपाका प्रदेश सांसदसहित १९ जनाविरुद्ध भ्रष्टाचार मुद्दा दायर राष्ट्र बैंकले भन्याे– ‘सर्वसाधारणको निक्षेप सुरक्षित छ, हल्लाको पछि नलागी ढुक्क भएर कारोबार गर्नुस्’ धनकुटामा पानीको मुहान संरक्षण गर्न रिचार्ज पोखरी आन्दोलनका लागि हिँडेरै काठमाडौँ आइपुगे देशभरका मिटरब्याजी पीडित

भोजपुरमा प्रचण्डले सम्वोधन गर्ने चुनावीसभा लक्षित बम विस्फोट, एक घाईते

  • साझा परिवेश
  • बुधबार, कार्तिक ३०, २०७९ १७:४२
भोजपुरमा प्रचण्डले सम्वोधन गर्ने चुनावीसभा लक्षित बम विस्फोट, एक घाईते

भोजपुर- भोजपुरमा चुनावी सभालाई लक्षित गरि बम विष्फोट भएको छ । पौवादुङमा गाउँपालिका २, तिवारीभञ्ज्याङस्थित गठबन्धनको चुनावी सभालाई केन्द्रित गरि बम पड्एिको थियो । उक्त घटनामा एकजना शक्त घाईते भएका छन् ।

बुधबार चुनावी सभा चलिरहँदा उक्त घटना भएको हो । माओवादी केन्द्रका अध्यक्ष पुष्पकमल दाहाल र नेपाली कांग्रेसका प्रवक्ता प्रकाश शरण महतको विशेष उपस्थितीमा हुने भनिएको उक्त चुनावी सभालाई लक्षित गरि राखिएको उक्त बम पड्किएको हुनसक्ने प्रहरीले जनाएको छ ।जिल्ला प्रहरी कार्यालय भोजपुरका डिएसपी शरत कुमार थापाका अनुसार विस्फोटबाट घाईते भएका अरुण गाउँपालिका ४, चरम्बीका सुमन श्रेष्ठ आँफैले बोकेको उक्त बम विस्फोट भएको बताए । श्रेष्ठको बाँयापट्टि खुट्टामा गहिरो चोट लागेको छ । घटनापछि उनलाई स्थानीय स्वास्थ्य चौकीमा प्राथमिक उपचार गराईएको थियो ।जिल्ला प्रहरीका ईन्सपेक्टर नितेशकुमार सिंहका अनुसार सिंहले भने, ‘दिउँसो ३ बजे दाहाल र महत हेलिकप्टरबाट अवतरण हुने कार्यक्रम थियो, तर त्यसको डेढघण्टा अघि नै बम विस्फोट भयो’ उक्त चुनावी सभालाई सम्बोधन गर्न भोजपुर आउने कार्यक्रम रहेको दाहाल र महतको कार्यक्रम स्थगित भएको गठबन्धन दलका एक नेताले बताए । चुनावी सभा चलिरहँदा उम्मेदवारमाथि लक्षित गरी बम पड्काउने उद्देश्य हुँदाहुँदै उक्त घटना भएको हुन सक्ने उनले बताए ।

स्थानीय श्रोतका अनुसार बम बोक्ने उक्त व्यक्ति केहि समयअघिसम्म नेत्रविक्रम चन्द विप्लव नेतृत्वको नेकपा माओवादीमा आबद्ध थिए । यसअघिका विभिन्न गतिविधिमा पनि उनी विप्लव समुहबाट सक्रिय कार्यकर्ताको रुपमा रहेको बुझिएको छ । चुनाव विथोल्ने आपराधिक घटनाले मतदातालाई त्रसित बनाएको तिवारीभञ्ज्याङका स्थानीय पूर्ण श्रेष्ठले बताए । भने, ‘चुनावी सभामा बम पड्किँदा यहाँका मतदातालाई शान्तिपूर्ण वातावरणमा मतदान गर्न पाउने स्थिती छैन, कसरी मतदान गर्नु’ यता प्रहरीका अनुसार उक्त घटनाको बारेमा अनुसन्धान भईरहेको जनाएको छ ।

  • साझा परिवेश
  • बुधबार, कार्तिक ३०, २०७९ १७:४२

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट