April 1, 2023 | शनिबार, चैत्र १८, २०७९
सुचनाहरु
कुशलभ केसीले पाए ‘उत्कृष्ट युवा पत्रकारिता पुरस्कार–२०७९’ सुनसरी क्याम्पस सञ्चालक समितिमा राजु ढकाल निर्वाचित रजनीकान्तको ‘बाबा’ फ्लप भएसँगै साउथ फिल्ममा मेरो करिअर सकियो ः मनिषा कोइराला भूकम्पको धक्का दोलखा, ओखलढुङ्गा, रामेछाप, सिन्धुपाल्चोक, नुवाकोट र काठमाडौँ उपत्यकामा मापदण्ड विपरीत अस्पताल सञ्चालन : हेटौंडा आज देशका यी ठाउँमा पानी पर्ने सम्भावना १५ दिन नपुग्दै उप्कियो कालोपत्रे : कैलाली प्रधानमन्त्री प्रचण्डसमक्ष भक्कानिए मिटरब्याज पीडित :बालुवाटार जनकपुरको घटनाबारे अफवाह फैलाउँदै मुस्लिम आयोग नवनियुक्त मन्त्रीहरुले लिए पद तथा गोपनीयताको शपथ स्वर्णिम वाग्ले रास्वपाबाट तनहुँ १ मा उम्मेदवार बन्ने पक्का पद तथा गोपनीयताको शपथ लिए नवनियुक्त मन्त्रीहरूले इटहरीमा एक युवकमाथि छुरा प्रहार तीन महिनामा धेरै काम भएका छन् तर केहि बेथिति रोकिएको छ : प्रधानमन्त्री १२ जना स्कुल बसका चालकलाई ट्राफिक प्रहरीले गर्यो कारबाही श्रम स्वीकृतिको आवेदन वैशाख १ देखि दिन मिल्ने आपराधिक अभियोगमा अमेरिकी पूर्वराष्ट्रपति ट्रम्पविरुद्ध मुद्दा नवनियुक्त मन्त्रीको दिउँसो ३ बजे शपथको तयारी पहिचानको नाममा हिंसात्मक आन्दोलन, इटहरीका विभिन्न वडा कार्यालयमा तोडफोड, प्रहरीको गाडी पनि फोडियो नागरिक उन्मुक्ति पार्टीले अध्यक्ष रञ्जितालाई मन्त्री बनाउने

काँग्रेस भित्रै प्रधानमन्त्रीका आधा दर्जन आकाक्षी

  • साझा परिवेश
  • शुक्रबार, मंसिर १६, २०७९ १९:२८
काँग्रेस भित्रै प्रधानमन्त्रीका आधा दर्जन आकाक्षी

निर्वाचनको अन्तिम मतपरिणाम आइ नसक्दै नयाँ सरकारको नेतृत्वका लािग दौडधुप सुरु भएको छ । कुनै पनि दलले बहुमत नल्याउने भएकाले बहुमत पु¥याउन दलहरूबिच गठबन्धन गर्नुपर्ने अवस्था छ । अहिलेको सत्तारुढ गठबन्धन नै अघि बढ्ला वा नयाँ गठबन्धन बन्ला भन्ने तय भइनसके पनि सबैभन्दा ठूलो दल नेपाली कांग्रेसभित्र संसदीय दलको नेता दाबी गर्नेहरू बढ्दैछन् । महामन्त्री गगन थापाले निर्वाचनकै बेला संसदीय दलको नेतामा प्रतिस्पर्धा गर्ने घोषणा गरेपछि काँग्रेसभित्र तरङ्ग आएको थियो । त्यसबेला चुपचाप रहेका अन्य नेता निर्वाचित भएपछि ‘भावी प्रधानमन्त्रीका रुपमा म पनि तयार छु’ भन्न थालेका छन् ।

नेता रामचन्द्र पौडेलले अबको प्रधानमन्त्रीका रुपमा आपूmलाई सहयोग गर्न अन्य दलका नेतासँग भेटवार्ता थालिसक्नुभएको छ । पूर्व महामन्त्री प्रकाशमान सिंह र शसाङ्क कोइरालाले पनि दाबेदारी प्रस्तुत गर्दै गर्दा गत मंसिरमा भएको चौधौँ महाधिबेशनपछि संस्थापन इतर समुहको नेताका रुपमा स्थापित शेखर कोइरालाले पनि संसदीय दलको नेता बन्ने तयारी गरिरहनुभएको छ । तर, आफ्नै समुहका महामन्त्री थापाले तयारी तीव्र पारेपछि कोइराला के गर्ने भन्नेबारे पर्ख र हेर कै अवस्थामा रहेको उहाँ निकट नेताहरू बताउँछन् ।

प्रधानमन्त्री तथा सभापति शेरबहाुदर देउवा संसदीय दलको स्वतः दाबेदार हुनुहुन्छ । काँग्रेस प्रवक्ता तथा देउवा निकट नेता प्रकाशशरण महत देउवाको विकल्प नभएको बताउनुहुन्छ । संस्थापन र इतर गरी दुई पक्ष रहँदै आएको काँग्रेसभित्र भावी प्रधानमन्त्रीको कुराले अर्को पक्ष पनि बन्न सक्ने देखिएको छ । महामन्त्री थापालाई अर्का महामन्त्री विश्वप्रकाश शर्माले भावी प्रधानमन्त्रीका रुपमा संसदीय दलमा प्रस्ताव गर्ने बताइसक्नुभएको छ । थापा र शर्मालाई दलभित्रका युवा नेता र संस्थापन इतर समुहको समर्थन रहने पनि ठानिएको छ ।

नेता रामचन्द्र पौडेलले पनि आफू निर्वाचित भए लगत्तैदेखि प्रधानमन्त्रीको दाबी गर्दै नेताहरुलाई सहयोग गर्न आग्रह गर्दै आउनुभएको छ । यसपटक संसदीय दलको नेतामा आफ्नो दावी स्वभाविक रहेको उहाँको भनाइ छ । संसदीय दलको नेता बन्न बहुमत सांसदको समर्थन आवश्यक पर्छ । त्यसै कारण आफ्नो पक्षमा बहुमत बनाउन नेताहरूले कसरत सुरू गरिसकेका छन् ।

संसदीय दलको नेतामा धेरै जनाको दाबी रहँदा पार्टीभित्र अन्यौल उत्पन्न हुने राजनीतिक विश्लेषक पुरञ्जन आचार्य बताउनुहुन्छ । एमाले, माओवादी केन्द्र लगायत अन्य दलमा पार्टी अध्यक्षलाई नै संसदीय दलको नेता सर्वसम्मत मानिएको जस्तो देखिएका बेला काँग्रेसभित्र आकांक्षीहरू बढ्नु रोचक देखिन्छ । मुख्य कुरा संसदीय दलको निर्वाचनमा काँग्रेस सांसदले गर्ने मतदानको नतिजाले देश र काँग्रेसको आन्तरिक जीवनमा पनि महत्वपूर्ण अर्थ राख्ने देखिन्छ ।

  • साझा परिवेश
  • शुक्रबार, मंसिर १६, २०७९ १९:२८

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट