झट्ट सुन्दा यो कुनै फिल्मको कथा हो कि भन्न्ो पनि लाग्न सक्छ । तर,शुक्रबार गोंगबु क्षेत्रमा भएको एक गिहोरको ठगि धन्दा अचम्वको थियो ।
आन्तरिक राजश्व कार्यायलका कर्मचारीको ‘डार्क ब्लु’ कोट पाइन्ट र सेतो सर्टमा सजिएको एउटा समूह गोगबु क्षेत्रका केही होटल तथा रेस्टुराँहरूमा छापामार शैलीमा प्रवेश गर्छन् । घाँटीमा आन्तरिक राजस्व कार्यालयको परिचयपत्र भिरेको यो समूहलाई देख्दा सो क्षेत्रका व्यवसायी साच्चै बिश्वास पनि गर्छन् ।
व्यापारीलाई आफुहरु आन्तरिक राजस्य कार्यालय लाजिम्पाटबाट अनुगमनका लागि खटिएको कर्मचारी भनेपछि विश्वास नगर्ने कुरै भएन् ।
सो क्षेत्रमा व्यापार व्यवसाय गर्ने फुटपाथ पसलका व्यवसायीमाथि यो समूहले केरकार गर्ने,राजश्व तिरे नतिरेको सोध्ने,बिलहरु ह्ेर्न काम गरियो । यति मात्रै होइन राजस्व नतिरेको भेटिए ठाउँको ठाउँ जरिवाना पनि गरे । जरिवाना नतिरे होटल सिल गर्नेदेखि पक्राउ गर्नेसम्मका धम्की दिन्थे । यो गरे वापत उनीहरुले ८४ हजार ७३० रुपैया संकलन पनि गरे । तर,यो छापामार शैली प्रति पछि स्थानीयलाई शंका लाग्यो । यस बिषयमा प्रहरी वृत्त महाराजगञ्जको प्रहरीलाई जानकारी हुन्छ । प्रहरीले गोंगबु क्षेत्रमा आन्तरिक राजस्व कार्यालय लाजिम्पाटले छापा हानिरहेको बारेसमेत जानकारी लियो । तर, राजस्व कार्यालयले भने आफूहरूको टोली कुनै क्षेत्रमा अनुगमन गर्न नगएको जवाफ प्रहरीलाई दियो ।
राजस्व कार्यालयबाट कर्मचारी अनुगमनमा नगएको थाहा पाएपछि यो ठगि धन्दाको पर्दाफास भयो । प्रहरीले रकम उठाउँदै आएका आठ जनालाई नियन्त्रणमा लियो । प्रहरीको अनुसन्धानबाट उनीहरू राजस्व विभागको नक्कली कर्मचारी बनेर रकम संकलनको धन्दामा लागेको खुल्न आएको छ । उनीहरूले शुक्रबार ८४ हजार ७३० रुपैयाँ जरिवानाबराबरको रकमसमेत संकलन गरेका थिए ।
काठमाडौं प्रहरी प्रमुख एसएसपी भरतबहादुर बोहराका अनुसार उनीहरूले हजार रुपैयाँदेखि १ लाख ५० हजार रुपैयाँसम्म जरिवाना तिर्नुपर्ने भन्दै रकम संकलन गरेको खुलेको छ । प्रहरीले पक्राउ गरेका आठैजनाले राजस्व विभागको परिचयपत्रदेखि पोशाक र लेटरप्याडसमेत नक्कली बनाएको खुलेको छ । पक्राउ पर्नेमा नवलपरासी पूर्व हुप्सेकाट– ३ का बिनबहादुर बिक, पाँचथर फिदिम नगरपालिका–१ की सृजना भट्टराई, अछाम बान्निगढी गाउँपालिका– ६ का सागरजंग लुहार, सोही स्थानकी दुधकला बिक, सिन्धुपाल्चोक साँगगढी–३ की प्रमिशा तामाङ, नुवाकोट बेलकोटगढी–१ की अञ्जना तामाङ, कञ्चनपुर बेतकोट–९ का राजीव विष्ट र सोही स्थानका डेबिड धामी छन् । हालसम्म उनीहरूले ५ लाख ८ हजार ६४० रुपैयाँ संकलन गरेको भेटिएको छ ।
