कचनकवलमा एउटै रुखमा दुई जना झुण्डीएको अवस्थामा भेटियो
साझा परिवेश
मङ्लबार, माघ १०, २०७९ 0९:५७
झापा, माघ १० । दक्षीणी झापाको कचनकवल गाउँपालिका वडा नं. ४ मा दुई जना एकै ठाउँ झुण्डीएको अवस्थामा भेटिएको छ । कचनकवल वडा नं. ४ मा रहेको एभरेष्ट चिया बगान भित्र एक पुरुष र एक महिला एउटै रुखमा झुण्डीएको अवस्थामा भेटिएको जिल्ला प्रहरी कार्यालय झापाका प्रवक्ता डिएसपी बसन्त पाठकले जानकारी दिनु भयो ।
कचनकवल वडा नं. ४ बस्ने २५ बर्षका राजेश कमार गणेश र सोही वडाकी १८ बर्षिया पवित्रा राजवंशीलाई एकै ठाउँ झुण्डीएर मृत अवस्थामा फेला पारिएको प्रहरी प्रवक्ता पाठकले बताउनु भयो ।
पाठकका अनुसार गाउँलेले देखेर आज बिहान ६ः३० बजे प्रहरीलाई खबर गरेको हो । के कारणले घट्ना भएको हो भन्ने बिषयमा अनुसन्धानबाट मात्रै थाहा हुने भएकाले तत्काल केही भन्न सकिने अवस्था नरहेको पाठकले बताउनु भयो । यस अघि पनि कचनकवल गाउँपालिकामा नै दुई किशोरी एकै ठाउँ झुण्डीएको अवस्थामा फेला परेका थिए ।
